Patri Urkizu

 

HARRIZKO HAMALAUKOA
GABRIEL ARESTIRI

 

Non-nahiko taberna zuloan zure bozak

aspreki, solasetan oro zuen lehertzen;

gero, kaleetan zehar zinen paseiatzen,

haizatuz memorietako ezin pairatu lotsak.

 

Gazte kezkatioi zure iraun garratzak

zorroztasun bidea zigun adierazten,

non diren benetan beharrak oroitarazten,

nola jo ditu euskal herriak zigor gaitzak.

 

Halabaina, bizi ezinaren eskoletako

zelaietan zenbiltzen soil, eta armaturik

dialektikaren suaz usua askatzeko.

 

Gaur, elurra urtu da, belztu da tristaturik

karrikan haurtxoari negarra baitario,

eta estratak odolez baitaude gorriturik.