Bittor Mujika

 

GAUSENTIAN SORTU ZAIT KEZKA

 

Gausentian sortu zait kezka.

Zertarako bizia?

Zertarako jaio?

Zertarako jan, edan, lo egin?

jolastu?

 

Ez, ezin naiz geldik egon!

Jakin behar dut

zertarako munduan!

 

Irten, korrika irten naiz.

Ezin naiz egon.

Zertarako bizia!

 

Egun ilun, egun tristea,

ezin naiz egon.

Zertarako bizia!

 

Korrika noa

korrika, korrika...

lainoa harrapatu nahian

zuhaitzari galdetu nahian

harriari, belarrari, hostoari...

 

Baina ez didate erantzun!

Lainoak busti egin nau

eta hostoak farre.

 

Iturriak emango dit

erantzuna!

Joan naiz korrika

baina ez dit erantzun.

Iturria agortuta zegon.