Bitoriano Gandiaga

 

ARESTIREN AITORMENETAN

 

«Nire aitaren etxea

defendituko dut», esan zuen

bat bateko suak.

 

Urez heldu zitzaizkionak

indartu egin zuten;

adarrez eraso ziotenek

haserretu.

 

Alferrik ginen urruti

ilinti zaharrak gordetzen,

 

Errausle ta sortzaile zetorren,

bihurri ta martzal;

 

baliorik eta

etorbiderik zuena

harri ta herriren

begitan jarriki.

 

«Nire aitaren etxea

defendituko dut», dio

«HARRI ETA HERRI»tatik

abots gorenak.

 

Deihadarrak entzun ziren

suaren kontra

lekaioak suaren alde.

 

            Haizeak

Bere baitariko zeragion su

azkarra zen.

 

bat baterako argi beroak

jo ginduen ta itzul arazi.

 

zaharkinei atxikiz, aitareneko

ganbara ta ate-osteko

ezertarako ez zen oro

erre zuen

ta argia sartu etxean,

 

Erreturan

belar berria erne da,

garia, bideak,

ihardun-poza.

 

«Nire aitaren etxeak

iraunen du

zutik», darantzuio

«HARRIZKO HERRI HAU»

beteko erantzunak.