Balendiñe Albizu

 

AKELARRE BIURTU OTE?

 

Larraitz, 1971

 

Nora zoaz Amagoia?

Larraitz mendira!

Illargi betea degu ta...

nere semeak an

bilduko dira.

Ez naute ikusiko,

beren biotzetan

naiz sartuko,

aztuko ez duten

gau zoragarri ontan

bear duten zoriona emateko.

Beren abesti

t’eresi eztitsuetan

naute sentituko,

gaurtik aurrera

illargi betean

mendi. gallurrera

dira igoko,

eunkada urteetan

lozorrotik gaur

esnatu diralako!

Beren biotzak

aundi egin dira

Amagoiak...

Ez ditu utziko!

Bereak izango dira

emendik aurrera betiko.