Eñaut Etxamendi

 

NOR DIRA HOLA

 

Zueri, nigar idor arazle haurrak.

 

        Nor dira hola kalapitaka joan lasterka

        Zirurika jantza-jauzika

        Bidian gora bidian behera oihu-garimaka

        Herriko haurrak mutil-neskatxak ikastolaka

              Gure pottolo pollitak

              Pentzeko lili zeruko xori

              Biharko Herriko prometak

 

Goizian goizik jeikitzen gira

Kanpuan hotz da izotza da

Ama adio sarri artio

Ez trixta gio gomendio

 

        Nor dira hola kalapitaka joan lasterka...

 

Mendi gainean negu ondoan

Elur xuria iruzkian

Gure bidian elorritzian

Xori habia lilipian

 

        Nor dira hola kalapitaka joan lasterka...

 

«Xiula-miula» da kantariena

Mikelen dugu oihartzuna

Leizar axalez egin xirulez

Kanpua betez xaramelez.

 

        Nor dira hola kalapitaka joan lasterka...

 

Kukua kantuz artzaña huxtuz

Ardi juare-luz goiti buruz

Bildots kuxkurrak ari jauzteka

Iduri haurrak jostetaka

 

        Nor dira hola kalapitaka joan lasterka...

 

Gure bidian oi zer mundua

Laboraria maextrua

Bai ta hargina ta brazerua

Hau da langile erreinua

 

        Nor dira hola kalapitaka joan lasterka...

 

Gure bideko jenden irria

Guri delarik so jarria

Horrek derauku maiten tirria

Heiek bezenbat egitia

 

        Nor dira hola kalapitaka jean lasterka...