Gexan Lantziri

 

EZ, ETZIRA HILKO

 

Errepika:

                Ez, etzira hilko

                oi euskara maitia

                baina bai biziko

                betiko biziko

 

Mila eta milaka urte ba dituzu

Euskal lurretan mintzo zarela zu.

Erdal mintzairak zuretzat dira haurño batzu

Zure suntsitzeko xedetan segur ba dute espantu!

 

Mendietan bizi denari etzaio ez,

biziaren kentzea ez hain errez.

Nola arranoa libertatean hegalez,

berdin dabila euskalduna azkar iraupenez!

 

Euskal Herriak mendez mende iraun baitu,

Nihoiz nehork ez du arrunt beretu.

Baldin badute ere bi alde zatitu,

Euskal Herriak zazpiak bat ezarriko ditu.

 

Euskal zeruan izarrak dira ugari,

guzien artetik da bat ageri.

Lotu gaiten batasunaren bideari,

gure izarra han baitago guzien gidari!