Bitoriano Gandiaga

 

KALEAN...

 

Kalean

zurrumurnia dago.

Zergatik zurrumurrua?

Zergatik dabiltza

zurrumurruka

kalean,

informazioaren

azpiko izarak

sospetxa begiz

miatzen?

 

Kalean

bildur lodi bat dago.

Zergatik dago bildurra?

Zergatik dabiltza

kuku-mukuka

kalean,

libertadearen

aingeru guardaz

ez direlarik

fidatzen?

 

Kalean

odol usaina dago.

Nork ixuri du odola?

Zergatik hil dute

tiroka gizona

kalean,

justiziaren

esku ta bide

hala dutela

bortxatzen?

 

                 * * *

 

Behin batetan neskatila bat

zuen hil jauntxoak

feudoko zelai handiaren erdian.

Feudoko morroi eta neskame guztien begitan

zuen jauntxoak hil neskatila ezpataz.

Morroeik garbitu zuten ezpata mingainez,

eskuak garbi zitzan eraman zien ura

neskameek jauntxoari.

Gero zulo batera bota zuten neskatila

eta ihardun zuten zelaia txukuntzen

morroiek eta neskameek.

Gero udalenari eskainitako jai bat zuten ospatu

jauntxoaren omenez,

feudoko morroi eta neskame guztiak.

Atsegin zitzaizkian jauntxoari

feudoko morroi eta neskameen algarak.

Atsegin zitzaizkion jauntxoari

folklore zaharreko egerpenak ere.

Hain zen ona jauntxoa, berberak inguratzen zizkien

jaitarako behar zituten mozorro

eta katamalo guztiak bere morroi eta neskamei,

eta esku zabalez zuen ordaintzen

morroi eta neskame zintzoen lana.

 

                 * * *

 

                                                       «Laino guztien azpirik

                                                       eta sasi guztien gainetik.»

                                                       (Hartzabalez idatzi nuena

                                                       Arestiz ere.)

 

Eta poetak

disparateak omen

zituen idazten

                    eta jende guztia

                                        eskandaluz betetzen

omen zuen poetak,

                    batez ere hemen,

non jendeak ez duen

ezer irakurtzen.

 

Eta poetak ten-ten,

baina poetak ozen,

juxtu disparateak

                    omen zituen salatzen,

juxtu eskandalua

                    biziki gaitzesten.

                    —A,

                          baina

                                  ja,

                                        berdin zen malpoeta,

                                        ez baizuen bereizten

norena zen kaka.