VII
DANTZA EUSKALZALEAK

        ASTIROKOA

Laster dala il Euskerea

entzuten dozun guztian,

esaizu, Mari, eztala ilgo

geu bizi garan artean.

«Jainkorik ez dao» diñoenak

ez egotea nai dabe,

ta «Euskerea ilten dao» diñoenak

ilgo leukie, al balebe.

Laster dala il Euskerea

diñoen erdalzaleok...

jakin begie geituaz

goiazala euskalzaleok.

Maritxu on au maite dot nik

Euskerea bera beste,

Euskerea lez dalako

garbia ta ona neure ustez.

Ein dogu ija astirokoa,

ta laster da ariñekoa;

ta oindiño iñok eztiñosku

Euskerea ilgo dan ordua.

        ARIÑEKOA

Ariñekoa arin eiten

eiten dogu alegin.

Geure Euskera maitea

ezta ilgo onen arin.

Euskel-izena euki ta

euskeraz ez jakin...?

Eztatoz gauza bi orrek

lar ondo alkarrekin.

Neska, erderaz berba eiten

dozun bakotxeko

bizar bat bear zeunke

surpea apaintzeko.

Bada-ezpadan, badiñot;

Bizarraz nai ain barik,

emaztegeitzat eztot

nai erdal-zalerik.

Ariñekoa be, ba,

asi da amaituten.

Euskerea il arteko

bizia nok leuken!