III
BERBA BARRIAK

        Berba barriak asmatzeko «berarizko» jaza daukie euskalzale batzuk.

        Baña eztira makalak onetan linotipista esaten jakien irarkola-langille batzuk bere batzuetan.

        Niri onetariko batek edo batzuk neure oraintsurengo lan baten, baña-ren ordezkotzat bañana ta emollearen-en ordezkotzat amellearen asmau deustie.

        Ta alantxe imiñi be.

* * *

        Nik, txartzat eztabela artuko jakiñik, onei gizonoi KILI-KILI bat egingo neuskie, auxe diñotsiedala:

        Gizonak, ez eidazue berba barririk asmau.

        Ba euskalzale batzuk asmauriko berba askon antzera, zeuek asmaurikoak be... okertxu asmaurikoak izaten dira... geienetan.