Neskatila itsuaren

zurezko begiak dira

deuseztara begira

begirik ederrenak...

(J.S.)

 

 

NESKARIK GAZTEENA

 

Zure aurpegia

          zeru izu ateria.

Zure begiak

          urpeko hartzuri garbiak.

Zure ezpainak

          arrats gorri labainak.

Zure ahoa

           itsaso bare geldoa.

Zure belarriak

           oihan mazeletako iturriak.

Zure ilea

           elurte amaigabeko belea.

Zure eskuak

           sagar hori honduak.

Zure bernak

            zumar gazte lerdenak.

Zure gerria

            ostadarpeko herria.

Zure bizkarra

            gau ilun honen negarra.

Zure ditiak

             mendi biribil geldiak.

Zure sabela

             sukalde guri epela.

Zurea oro, izadi honen gizena

hamabi urtez neskarik edderrena.