Tunezen, Thala de Makter hiriburuen arteko desertuan hilik ediren zuten marroki zahar bat. Ikertu ahal izan denez, dromedario baten gainean omen zeramazkien hiru egun, dena euli eta xomorroz inguratua, eta itxura denez uda partean Frantzia eta Espainian barrena saltzeko kinkileriaren xerka joana omen zen Tunezera. Baina ikerketa lan hau alde batera utziz, guretzat inportanteena, salerosketarako erabiltzen zuen kontu libretan kausitua izan zen esku eskribua da. Izan ere hauxe besterik ez baita marroki zintzo hark utzi zigun testimonioa. Satira eta lirismoa nahasiaz, letra beltz handitan ezarria utzi zigun, azken judizioko eguna gogora arazten digun izkribu ilun hau.

 

 

JOSEFATEKO ZELAIAN

 

Ilargia urtu egin da

lurraren harezko ahurretan

Iduzkiaren azken soa

gau hilezkorraren sabelean

ehortzirik datza.

Ez da iadanik guretzat gauaren lezerik

ez arratsalde ez ilunabarrik.

Enugurratze amoltsu haiek

argazkietan zatiturik ikusiren soilik.

Hirietan altzatzen diren palazioak

abere basatien mini leinuruetan isladaturik.

Orobat, ikusiren diagu gizasemeon enbargoa

Josefateko merkiduria isilean antsika.