Joannes d'Iraolaren poema bilduma
Patziku Perurena

CAP, 1985

 

 

IKUSTEN DUZU ILUNABARREAN

 

Ikusten duzu ilunabarrean

eguna itzaltzera doanean.

Han, izpilu urdinean, miruen hegada,

haizearen maindireak kulanka,

ilobatto zenduaren gerezi gorriak

eta arrabitaren hari lasatuak...

Hara han, andereen esku hezeak,

neskatilak eguzkiaren sutegian

eta itsasoa bera arnas hestuka.

Han, egunurratzea oinazeka

panpina tristeen irriņoak

sagar honduen dardarra

eta isiltasunaren sukaldeko apalak...

Begira han, urrunago ere

odolaren istil dizdiratsua

eta gauaren ezpain uhela.

Begira, begi goseon ate handia

beti zabalik eskaintzen den ate miragarria.

Han kraskatzen dira etengabean

ezinaren beiradura gardenak.

 

Joannes d'Iraolaren poema bilduma
Patziku Perurena

CAP, 1985