Begira ezazu han goian ilargia

elkarturik omen daude

gauza beraren soegileak

 

 

ETSIPENEZ EZ BADA

 

Hodeien goibeldura sobera iluna da.

Arrastiri euritsua hagitz.

Erlamando bakartia, hego ikaraz

ainar lili moreetan da pausatzen

heriosur bazka surrian hebaindua.

Xinaurri tipi gorriñoak

beren palaziorako itzulbidean doazi

kisuharrizko harmail handietan barrena.

Basabehi zaharren begi biak berriz

—begi, zurista abailduak—

jadanik erroi gosetien dostailu.

Halaber ene begi nabarrok ere

deusezetara begira noragabetuak bailiran

Ezen, ez baitu ene soak

deusik bereizten

etsipenez ez bada.