Eguzkiloreek

ez zekiten norat beha

hain bait zen

eguzkia dizdiranta

(J.S.)

 

 

OH! GAUA

 

Oh! gaua, lur etzan geldien

loratako magala...

Heriotz ilun ororen

burnizko estalki gizena...

Izarrez kolpaturiko bizkar uheldua...

Lore beltz gose, zimeldua

Oh! gaua

Egunaren ahizpa haserretua...

Ilargi odolduaren aho isila...

Lutuz jantziriko larreen

amodio ezkutua...

Izadi hebaindu honen

eguneroko deskantsua

Oh! gaua

Hilen ahotik hatorren biraoa...

Elurte zuri honen itzal umoa...

Oh! gaua

Bizi erauntsi honen aterbea,

noraezin honen gordeleku amaigabea...

Oh! gau lotsati emea

Oh! gau orotan enea