Eder basoan haritza

haren aldean garitza.

Fruitu antzera ontzen da hemen

gizasemeen bizitza.

(J.S.)

 

 

GAUAREN MALKOAK

 

Ilunabarrez dira sortzen

ilunbeetako intimidadeaz bazkatzen diren

gauaren malko izuak.

Larrazkeneko ekiak ferekatzen

larre otzanetan pausatzera doazen

gauaren malko isilak.

Heriotzeraino ferekatzen

larrazkeneko eki krudelak

gauaren malko galkorrak.

Eta zoin fite ehorzten derauzkun

ekiaren fereka urrunak,

egunurratza bustiaren oinazetan

gau eme honen malko gazteak.