ITZULERARIK GABE ABIATU ZIRENAK

Amiama eta Benitori

Hil ziren adiskideak ez ziren hil,

bidean aurreratu ziren,

atzetik heldu garenoi

nora goazen adierazteko.

Udazkeneko haize eroarekin

iristen zaizkigu haien abisuak:

kontuz ibiltzeko, adi egoteko,

pausatzeko edo bizkortzeko.

Gu ere zimelduko garela diote,

eta udazkeneko haize eroak bezala

hitz egiten ikasi beharko dugula,

atzetik etorriko zaizkigunei

nora doazen adierazteko.