ITXAROPENA

Hilobiratzaile edadetuak gazteari

erakutsi nahi dio ofizio zaharra,

eta gezurra dela heriotzak

bazterrak berdintzen dituela.

Bizitzak ere berdinduko lukeela jendea

esan dio, Denok bizirik gaude, ezta?

esan dio, Orduan denak berdinak gara?

lkusten dituzu nola dauden banatuta?

lkusten dituzu hutsik dauden loreontziak?

lkusten dituzu panteoiak eta nitxoak?

Heriotza batzuk beste batzuk baino

heriotzago dira, esan dio,

Bizitza batzuk beste batzuk baino

bizigarriagoak diren bezala.