Edan ase arte
Mikel Peruarena

Kutxa, 2006

 

 

ESKUEKIN URARI EUSTEN

 

Azken zigarroa, esaten du,

eta pizten du azkenaurrekoa

egunsentian, etxerako bidean.

 

Karameluzko ke batek uztartzen,

josten ditu bien atal hautsiak.

Surtan urtzen dira maindireak

 

haien etorrera usnatzen dutelarik.

Izarrek begiak ixten dituzte eta,

giharrak tenkatuz, lurrera isurtzen dira.

 

Gaua itzaltzen ari da nonbait,

eskuren batek izarrak bilduko ditu

egunsentian, etxerako bidean.

 

Edan ase arte
Mikel Peruarena

Kutxa, 2006