Edan ase arte
Mikel Peruarena

Kutxa, 2006

 

 

PROMESAK, BORONDATEA, HITZ EGOKIAK

 

                                                    Behin eta berriro egiten du, promesa

                                                    bere bizitza zuzenduko duela

                                                                              Konstandinos Kavafis

 

Gaur borondatea datorkio

guztia bukatzeko, guztia hasteko,

zuhaiztiak zuztarretik kimatzeko

(hostoak mutu adaxken masailetan).

 

Gaur borondatea datorkio

etxera itzultzeko bideari ekiteko,

belardiei su eman eta ihes egiteko

(arto sailak gor soroaren belarrietan).

 

Gaur borondatea datorkio

ate guztiak itxi eta beste bat izateko,

itsasoa edan eta eztarria urratzeko

(kresala negarretan itsasoaren begietatik).

 

Bihar badoakio borondatea.

 

Edan ase arte
Mikel Peruarena

Kutxa, 2006