HOGOIGARREN KAPITULUA

Iainkoak ematen du bere lege

hamar manamendutan herstua:

18 Eta poblua osoki espantaturik

Iainkoaren maiestateaz eta bozaz

othoitzez dago Iauna eztakioten mintza hei gehiago.

23 urre edo zillharrezko Iainko egiteko defentsa.

24 Ordena aldare egiteko moldearen gañean.

        1. Orduan Iainkoak erran zituen hitz horiok guziak, ziotsala,

        2. ni nauk hire Iainko Eternala, Ejiptuko herritikan atheratu audana, esklabotasun etxetikan.

        3. Eztuk izanen bertze Iainkorik ene bisaiaren aitziñean.

        4. Eztuk egingo heuretzat imajina thaillaturik ez gañean zeruetan, ez beherean lurrean ez uretan lurraren azpian diren gauzen iduririk batere.

        5. Ez aiz ahuspez iarriko hekien aitziñean, eta eztituk zerbitzatuko: ezen ni nauk Eternal hire Iainkoa, Iainko borthitza, ieloskor dena, punitzen duena aiten hobena haurren gañean, ni higintzen nautenen hirurgarren eta laurgarren ienerazionean.

        6. Eta egiten diotena Miserikordia milla ienerazionetan, ni maitatzen nautenei eta ene manamenduak begiratzen dituztenei.

        7. Eztuk hartuko Eternal hire Iainkoaren izena alferrik: ezen Eternalak eztik idukiko inozentzat haren izena hartu izango duena alferrik.

        8. Orhoit adi errepausu egunaz, haren santifikatzeko.

        9. Sei egunez trabaillatuko aiz eta egiñen dituk hire lan guziak.

        10. Bañan zazpigarren eguna duk Eternal hire Iainkoaren Errepausua. Eztuk egingo lan batere hartan, hik, ez hire semeak, ez hire alabak, ez hire muthillak, ez hire neskatoak, ez hire abreak, ez hire arrotz hire athetan barna denak.

        11. Ezen sei egunez Eternalak egin tik zeruak eta lurra, eta itsasoa, eta hetan diren guziak, eta errepausatu izan duk zazpigarren egunean: eta horrengatik Eternalak bedinkatu dik errepausu eguna eta santifikatu.

        12. Ohoratzak hire aita eta hire ama, hire egunak luza daitezentzat lurraren gañean, zeña Eternal hire Iainkoak ematen baitarok.

        13. Eztuk hillen.

        14. Eztuk egiñen haragizko bekhaturik.

        15. Eztuk ebatsiko.

        16. Eztuk erranen faltso testimoniorik hire lagun proximoaren kontra.

        17. Eztuk gutiziatuko hire lagun proximoaren etxea: eztuk gutiziatuko hire lagun proximoaren emaztea, ez haren muthilla, ez haren neskatoa, ez haren idia, ez haren astoa, ez hire lagun proximoaren diren gauzarik batere.

        18. Eta poblu guziak ikhusten zituen ihurtziriak [...], adartronpeta soñua eta khea egiten zuen mendia: pobluari beraz hori ikhusi eta ikhara zerion, eta urrun zegoen.

        19. Hargatik erran zioten Moisi, hi mintza adi gurekiñ, eta entzunen diagu: bañan Iainkoa ez bedi mintza gurekiñ, hill ezkaitezen beldurrez.

        20. Orduan Moisek erran zioen pobluari, etzaiteztela beldur: ezen Iainkoa ethorri duk zuen frogatzera, eta haren beldurtasuna izan dadintzat zuen aitziñean, bekhaturik egiñ eztezazuentzat.

        21. Poblua beraz egotu izan zen urrun: bañan Moise hurbildu zen illhunbetik baitzen Iainkoa.

        22. Eta Eternalak erran zioen Moisi, hunela erranen diotek Israelen haurrei: Ikhusi duzue mintzatu natzaitzuela zuei zeruetarik.

        23. Eztiozue egiñen zeuei enekien zillharrezko Iainkorik, eta eztiozue egiñen zeuei urrezko Iainkorik.

        24. Egingo darotak lurrezko aldare bat zeñaren gañean sakrifikatuko baitituk hire holokaustak, eta hire prosperitate ofrendak, hire hazienda xehe eta larria: zeñere lekhutan ezarriko baitut ene izenaren orhoitzapena, ethorriko nauk hireganat, eta bedinkatuko aut.

        25. Egiten baldin badarotak harrizko aldare bat, eztituk pikatuko: altxatzen baldin baduk burdiña haren gañera, lizunduko duk:

        26. Eta ez aiz iganen ene aldarera eskabeletarik, hire ahalkisuna ager eztadintzat haren aldean.