HOGOI ETA HEMERETZIGARREN KAPITULUA

Iosep Potifari saldua, bedinkatua da Iaunaz.

4 Hargatik bere nausiak ematen dio
bere egiteko guzien artha.

7 Bañan zeren ezpaitio egin nahi atsegiñ
bere etxeko andrearen amudio lohiari,

17 laidatua da hartaz bere nausiaren baithan,

19 zeñak hersten baitu presondegian

21 non bizkitartean Iainkoak bere graziaz
lagundurik egiten baita presonjeren iabe.

        1. Iosep bada eraman zuten orduan Ejiptura, Potifar Faraonen ganbarazañ iauregiko prebost ejiptuarrak erosi izan zuen ismaelitarren eskutik zeñek ekharri izan baitzuten harat.

        2. Eta Eternala Iosepekin zen: hala gizon dohatsua izatu zen, eta bere nausi ejiptuarraren etxean zen.

        3. Eta haren Nausiak ikhusi zuen Eternala harekin zela, eta egiten zituen gauza guziak, Eternalak ungi goanarazitzen zituela haren eskuetan.

        4. Iosepek beraz ediren zuen grazia bere Nausiaren aitziñean, eta zerbitzatzen zuen: eta horrek eman izan zioen bere etxearen kargua, eta eman ziotzan eskuan zihoazkon guziak.

        5. Eta gerthatu zen, bere etxearen eta zituen guzien kargua eman zioenaz gerostik, Eternalak bedinkatu izan zuela ejiptuar haren etxea Iosepen bidez. Eta Eternalaren benedikzionea izatu zen haren ziren gauza guzietan, hanbat etxean nola larrean.

        6. Hargatikan utzi izan zituen bere gauza guziak Iosepen eskuan: halako maneraz non ezpaitzen sartzen kontutan harekiñ deusezere, iaten zuen ogiaz baizen. Eta Iosepek thailla eder bat zuen eta ederra zen ikhusteko.

        7. Gerthatu zen beraz gauza horion ondoan haren nausiaren emazteak aurthiki zituela begiak Iosepen gañera, eta erran zuela, etzan adi enekiñ.

        8. Bañan bere Nausiaren emaztea errefusatu eta, erran zioen, horra, ene Nausia eztun sartzen enekin kontutan haren etxean diren gauzez eta eman ziarozkidan eskuan dituen gauza guziak,

        9. eztun etxe huntan ni baño haundiagorik, eta etziarotan debekatu deusere. Hi baizen, hi haren emazte aizen bezala: eta nola egingo nuke gaizki horren haundi hori eta egingo nuke bekhatu Iainkoaren kontra?

        10. Eta haña egun guziez Iosepi hartaz mintzatzen zitzaion arren: bizki tartean etzuen obeditu izatu haren kontra etzateko, harekiñ izatekotzat.

        11. Eta gerthatu zen egun bat, ethorri zela etxera bere lana egitera, eta etzela sehietarik batere etxean:

        12. Orduan hartu izan zuen hañak bere beztimendutik, ziotsala, etzan adi enekiñ: eta utzi zuen bere beztimendua haren eskuan eta goan zen ihesi, eta ilkhi zen kanpora.

        13. Hañak bada ikhusi zuen bezain sarri, utzi zuela bere beztimendua haren eskuan, eta goan zela ihesi kanpora,

        14. deithu izan zituen bere etxeko iendeak eta mintzatu zitzaien, erraten zuela, ikhus zazue, ekharri ziarokuk gizon hebrear bat, gutaz musikatzeko, zeña ethorri baita enegana enekiñ etzatera: bañan egin diat deihadar haundi bat.

        15. Eta aditu izan duen bezain sarri deihadar egin dudala, utzi dik bere beztimendua ene aldean, eta ihesi goan duk, eta ilkhi duk kanpora.

        16. Eta iduki izan zuen Iosepen beztimendua berekiñ, haren nausia etxera ethor izan zediñ artean.

        17. Orduan mintzatu zitzaion hari perpaus hekien arabera, erraten zuela, muthil hebrear guri ekharri darozuana ethorri duk enegana, nitaz musikatzera.

        18. Bañan nola deihadar egin baitut, utzi dik bere beztimendua ene aldean eta goan duk ihesi kanpora.

        19. Haren nausiak aditu zituen bezain sarri bere emazteak erran ziotzan hitzak, ziotsala, hire muthillak egin ziarotak perpaus horion arabera, haren kolera piztu zen.

        20. Hala Iosepen nausiak hartu zuen, eta ezarri kartzela hertsi batean, Erregeren presonjerak herstuak ziren lekhuan. Han izatu zen bada presondegian.

        21. Bañan Eternala Iosepekin zen, eta hedatu izan zuen bere grazia haren gañera, eta eman zioen grazia presondegiko nausia baithan.

        22. Eta presondegiko nausiak eman zituen Iosepen eskuan presondegian ziren presonjer guziak: eta han egiten zituzten gauza guziak, egiten zituen.

        23. Eta presondegiko nausiak etzuen egortzen deusere haren eskuetan ziren gauza guzietarik, zeren eta Eternala harekin baitzen: eta hark egiten zuena, Eternalak ungi goan eragiten baitzuen.