HOGOIETA BORTZGARREN KAPITULUA

Abrahanek hartzen du emaztetzat Ketura
zeñak egiten baitiotza haurrak,
zeñak bidaltzen baititu Isaaken gibelera,
hori xoillki uzten duela primu,
eta ematen diotzatela presentak
bere emaohelagunen haurrei.

7 Gero hiltzen da eta ehortzia da
Isaakez eta Ismaelez.

12 Ismaelen adiña eta heriotzea
eta harenganik ilkhi direnak.

20 Isaakek othoitz egiten du
Rebeka bere emaztearentzat
zeña baitzen agor eta entzuna da.

24 Hargatik erditzen da bi haurrez,
Esauz eta Iakobez

27 Hekien naturaleza errepresentatua da eta nola
Esauk saldu zioen primutasun zuzena Iakobi.

        1. Eta Abrahanek hartu izan zuen bertze emazte bat deithua Ketura.

        2. Zeñak egin baitziotzan Zimran, Iokszan, Medan, Madian, Liszbak, eta Szuah.

        3. Eta Iokszanek enjendratu zuen Szeba eta Dedan. Eta Dedanen haurrak izatu ziren Aszurim eta Letuszim, eta Leummim.

        4. Eta Madianen haurrak izan ziren Hefa, Hefer, Hanok, Abidah, Eldaha. Horiok guziak Keturaren haurrak dire

        5. eta Abrahanek eman ziotzan heldu zitzaizkon guziak, Isaaki:

        6. Bañan bere emaohekolagunen semeei presentak eman ziotzaten, eta egorri zituen bere seme Isaaken gibelera oriente aldera, oriente partera, bera oraño bizi zela.

        7. Eta Abraham bizi izan zen urtheak izatu ziren ehun eta hirurhogoita hamabortz urthe.

        8. Abraham bada flakatuaz goanez hill izan ungi zaharturik, iadan zaharra eta egunez asea, eta erretiratua izatu zen bere pobluetara.

        9. Eta Isaak eta Ismael bere semeek ehortzi izan zuten Makpelako arroka zillhoan, Hefron, Tsohar Hetiendarraren Semearen Larrean, zeña baita Mamreren aitziñaz aitziñ:

        10. Zeña baita, Abrahanek hetiendarrenganik erosi zuen Larrea. Han bada ehortzia izatu zen Abraham Sara bere emaztearekiñ

        11. eta gerthatu zen Abraham hill ondoan, Iainkoak bedinkatu zuela Isaak haren semea. Eta Isaak, ikhusten nauen bizi denaren phutzuaren aldean egoten zen.

        12. Hemen dire Ismael Abrahanen semearen ienerazioneak, zeña Agar ejiptuarrak Sararen neskatoak egin baitzioen Abrahani.

        13. Eta hemen dire Ismaelen haurren izenak, zeñetaz izendatuak izatu baitire bere ienerazionetan. Ismaelen lehensorthua, Nebajoth, gero Kedar, Adbeel, Mibsam.

        14. Miszmah, Duma, Masa,

        15. Hadar, Tema, Ietur, Nafis, eta Kedma.

        16. Horiok dire Ismaelen haurrak, eta horiok dire hekien izenak, bere herrien arabera, eta bere gazteluen arabera: erran nahi da, bere pobluen hamabi Printze

        17. eta hauk dire Ismaelen biziaren urtheak, erran nahi da, ehun eta hogoi eta hamazazpi urthe. Hala flakatuaz goanez hill izan zen eta erretiratua izatu zen bere pobluen artera.

        18. Eta egotu izan ziren Habilatik Szurreraño zeña baita ejiptuaren aitziñaz aitziñ, heldu aizen orduan asurera. Eta Ismaelek izatu zuen bere hedadura bere anaia guzien aldera

        19. eta hauk dire Isaak Abrahanen semearen ienerazioneak: Abrahanek engendratu zuen Isaak.

        20. Isaakek Laurhogoien adiña zuen, hartu zuen orduan emaztetzat Rebeka Bethuel aramiendar Paddan-Aramgoaren alaba, Laban aramiendarraren arreba.

        21. Eta Isaakek sesatu gabe othoiztu zuen Eternala bere emazteaz, zeren eta agorra baitzen: eta Eternala ukitua izatu zen haren othoitzez: hargatik Rebeka haren Emazteak kontzebitu izan zuen.

        22. Bañan haurrak bere artean alegeratzen ziren haren sabelean: eta erran zuen, horrela baldin bada, zertako naiz ni? eta goan izan zen galdetzera Eternalagana.

        23. Eta Eternalak erran zioen, bi nazione hire sabelean ditun, eta bi poblu ilkhiko ditun hire erraietarik eta poblu bat borthitzago izanen da bertze poblua baño: eta haundienak zerbitzatuko du mendreena.

        24. Eta haren erditzeko denbora konplitu zen orduan, horra, baziren bi haur haren sabelean.

        25. Eta lehenbizikoa ilkhi izan zen gorrikara, osoki illetsu illezko manteliña bat bezala: eta deithu izan zuten haren izena Esau.

        26. Eta ondoan ilkhi izan zen horren anaia, itxikitzen zioela bere eskuaz Esauren Thaloñari: hargatikan haren izena deithua izatu zen Iakob. Eta Isaakek hirur hogoi urtheren adiña zuen, hek sorthu izan ziren orduan.

        27. Gero haurrak haundi egin ziren, eta Esau gizon aditua zen ihizian, larretako gizona: bañan Iakob gikon sinplea zen, tabernakletan zezeena.

        28. Eta Isaakek maite zuen Esau: ezen ihizkia zen haren ianharia: bañan Rebekak maite zuen Iakob.

        29. Eta nola Iakob hari baitzen eltzea egoseragiten, Esau bihurtu izan zen larretarikan, eta unhatua zen.

        30. Eta Esauk erran zioen Iakobi, indak iatera, othoizten aut, erreki hortarik horrako erreki hortarik ezen unhatua nauk. Hargatikan deithu izan zuten haren izena Edom.

        31. Bañan Iakobek erran izan zioen sal diezadak gaur hire primutasun zuzena.

        32. Eta Esauk ihardetsi zuen horra, hiltzera nihoak, zertako baliatuko zait primutasun zuzena?

        33. Eta Iakobek erran zuen, egin diezadak iuramentu gaur. Eta iuramentu egin zioen: hala saldu izan zioen bere primutasun zuzena Iakobi.

        34. Eta Iakobek eman zioen Esaui ogia, eta illharki egosiak eta ian izan zuen, eta edan, eta iaiki eta goan zen. Hala Esauk mesprezatu izan zuen bere primutasun zuzena.