ZAZPIGARREN KAPITULUA

Moise eta Aaron egortzen dire Faraonengana

Iaunaren laguntzaren promesarekiñ.

7 Hekien adiña Faraonen aitziñean

presentatu ziren orduan.

9 Segitzen dutela Iainkoaren manua

konbertitzen dute bere makhilla suge batetara,

11 bañan hori bezalako mirakuillu bat

majizianoek egiñ eta, Farao gogortzen da:

19 Hargatik Iaunak egortzen du lehenbiziko plaga,

zeña baitzen odolera bihurturikako urak.

        1. Eta Eternalak erran zioen Moisi, horra, ordenatu aut hi izan akion Iainko Faraoni, eta hire anaia Aaron izanen duk hire Profeta.

        1. Erranen tuk nik hiri manatu darozkiadan gauza guziak, eta Aaron hire anaia mintzatuko ziaiok Faraoni, utz dezantzat goatera Israelen haurrak bere herritik kanpora.

        3. Bañan gogortuko diat Faraonen bihotza, eta multiplikatuko tiat ene señaleak, eta ene mirakuilluak, Ejiptuko herrian.

        4. Eta Faraonek etzaituzte entzunen: bañan ezarriko diat neure eskua ejiptuaren gañean, eta atheratuko tiat ene bandak, erran nahi da, ene poblua Israelen haurrak Ejiptuko herritikan, iuiamendu haundiekien.

        5. Orduan ejiptuarrek iakingo ditek ni naizela Eternala, hedatu izango dudanean neure eskua ejiptuaren gañera, eta erretiratu izango ditudanean Israelen haurrak hekien artetik.

        6. Moisek beraz eta Aaronek egin zuten hori: Eternalak manatu zioten bezala, eta hala egiñ izan zuten.

        7. Eta Moisek laur hogoi urtheren adiña zuen, eta Aaronek laur hogoi eta hirurena, Faraoni mintzatu zitzaizkoten orduan.

        8. Eta Eternala mintzatu zitzaien Moisi eta Aaroni, erraten zutela,

        9. Farao mintzatuko zaitzuen orduan, diotsala, emazue aitziñera mirakuillu bat zuentzat: orduan erranen diok Aaroni, hartzak hire xigorra, eta etxa zak Faraonen aitziñean, eta billhatuko duk tragoin bat.

        10. Moise beraz eta Aaron ethorri ziren Faraonengana, eta egin zuten Eternalak manatu zuen bezala. Eta Aaronek etxatu zuen bere xigorra Faraonen aitziñean eta haren zerbitzarien aitziñean, eta egiñ izantzen tragoin bat.

        11. Ordean Faraonek ere erakharri zituen zuhurrak eta llilluratzailleak: eta Ejiptuko Majizianoek egin orobat bere llilluramenduen bidez.

        12. Etxatu zituzten beraz batbederak bere xigorrak, eta billhatu ziren tragoñ: bañan Aaronen xigorrak iretsi zituen hekien xigorrak.

        13. Eta Faraonen bihotza gogortu zen, eta etzituen entzun izatu, Eternala mintzatu izan zen arabera.

        14. Eta Eternalak erran zioen Moisi, Faraonen bihotza pisatu duk, errefusatu dik uztera goatera poblua.

        15. Oha goizetik Faraonengana: horra, ilkhiko duk ur aldera: presentatuko aiz beraz haren aitziñera ibai bazterrean eta hartuko duk hire eskuan xigor sugerat xanjatu dena:

        16. Eta erranen diok, Eternal hebrearren Iainkoak egorri nindian hiregana, ziotsala, utzak goatera ene poblua, zerbitza nazaten desertuan: eta horra, ez nauk entzun orai arteraño.

        17. Horrela erran dik Eternalak, huntan iakiñen duk ni naizela Eternala: horra, banihoak iazartzera eskuan dudan xigorraz ibaieko urak, eta odolerat bihurtuko dituk.

        18. Eta arrañ ibaiean dena hillen duk, eta ibaia usainduko duk, eta, ejiptuarrak nekhatuko dituk ibaieko uretik edaten.

        19. Eternalak erran zioen oraño Moisi, errok Aaroni, hartzak hire xigorra, eta hedazak hire eskua ejiptuarren uren gañera hekien arri beren gañera hekien xirripen gañera eta hekien lekhu urtsuen gañera, eta hekien ur bilduma guzien gañera: eta billhatuko dituk odol, eta izanen duk odola Ejiptuko herri guzien, zurezko eta harrizko tokietan.

        20. Moisek beraz eta Aaronek egin zuten Eternalak manatu izan zuen arabera: eta Aaronek xigorra altxaturik, iazarri zioten hartaz ibaiean ziren urei, Faraonek eta haren zerbitzariek zakusatela; eta ibaiean ziren ur guziak bihurtu ziren odolera.

        21. Ibaiean zen arraña ere hill izantzen: eta ibaia usaindu zen, halako maneraz non ejiptuarrek eziñ edan beitzezaketen ibaieko uretarik: eta izatu zen odola Ejiptuko herri guzian.

        22. Orobat egin zuten Ejiptuko Majizianoek bere llilluramenduen bidez, hargatikan Faraonen bihotza gogortu izan zen, halako maneraz non ezpaitzituen entzun izatu, Eternala mintzatu izan zen arabera.

        23. Eta Farao, hei gibela bihurtu eta, ethorri izantzen bere etxera eta etzioen ez gehiago iratxaki bere bihotza huni.

        24. Ejiptuar guziek bada egin zituzten phutzuak ibaiaren inguruan aurkhitzeko edateko ura, zeren eta eziñ edan baitzezaketen ibaieko uretikan.

        25. Eta zazpi egun iragan ziren Eternalak ibaiari iazarri zioenaz gerostik.