ZORTZIGARREN KAPITULUA

Iainkoak egortzen du Faraonen kontra bigarren plaga,

erran nahi da, negelak,

15 eta bizkitartean Farao ostriñaturik dago,

libratu izatu ondoan Moisek othoitz egiñik:

16 hargatikan punitua da hirurgarren plagaz,

erran nahi da zorriz:

20 Eta ez humiliatu izanez,

aflijitua da laurgarren plagaz

erran nahi da, bestiatxo bilduma batez:

30 Zeñetarik libratu eta Moisen othoitzaren bidez,

bitartean bere gogortasunean dago.

        1. Ondoan Eternalak erran zioen Moisi, oha Faraonengana, eta errok, hunela erran dik Eternalak, utzak goatera ene poblua, zerbitza nazatentzat.

        2. Errefusatzen baldin baduk uztera hura goatera, banihoak iazartzera negelez hire herri guziak.

        3. Eta ibaiak gaindi egingo dik negelez, zeñak igango baitire, eta sarthuko hire etxean, eta etzaten aizen gelan, eta hire ohearen gañera, eta hire zerbitzarien etxean, eta hire poblu guziaren artean, eta hire labetan, eta hire [...]

        4. Hala negelak igango dituk hire gañera, hire pobluaren gañera, eta hire zerbitzari guzien gañera.

        5. Eternalak beraz erran zioen Moisi, errok Aaroni, heda zak hire eskua hire xigorrarekiñ Ibaien gañera, arriberen gañera, eta lekhu urtsuen gañera, eta iganaraz zatzik negelak Ejiptuko herriaren gañera.

        6. Hala Aaronek hedatu zuen bere eskua Ejiptuko uren gañera, eta negelak igan izan ziren, eta estali zuten Ejiptuko herria.

        7. Eta majizianoek orobat egin zuten bere sorginkeriez, eta iganarazi zituzten negelak Ejiptuko herrirat.

        8. Orduan Faraonek zitoen deithu Moise eta Aaron, eta erran zuen, ertxa zazue Eternala zuen othoitzen bidez, khen detzan negelak ene gañetikan, eta ene pobluaren gañetikan: eta utziko diat goatera poblua, sakrifika diozotentzat Eternalari.

        9. Eta Moisek erran zioen Faraoni, glorifika adi ene bidez ertxatu izango dudan orduan ene othoitzen Eternala hiretzat eta hire zerbitzarientzat, eta hire pobluarentzat, desterra detzantzat negelak hire, eta hire etxeen gibelerat? Ibaian xoillki geldituko tituk.

        10. Orduan ihardetsi zuen, biharkotz, eta Moisek erran zuen, egingo duk hire hitzaren arabera, iakin dezaantzat, eztela nihor ere Eternal gure Iainkoa bezalakorik.

        11. Negelak beraz erretiratuko dituk hireganik eta hire etxetarik, eta hire zerbitzarienganik, eta hire pobluaganik: eta ibaian xoillki geldituko dituk.

        12. Orduan Moise eta Aaron ilkhi izan ziren Faraonenganik, eta Moisek egin zioen oihu Eternalari negelez, Faraonen gañean ekarri zituenez.

        13. Eta Eternalak egin zuen Moisen hitzaren arabera. Hala negelak hill izan ziren, halako maneraz non ezpaitziren izatu gehiago etxetan, ez basa herritan, ez larretan.

        14. Eta bildu zituzten hek multzoka, eta lurra usaindu zen.

        15. Ordean Faraonek, ikhusirik bazuela hats hartzeko astia eta hark pisatzeko bere bihotza: eta etzituen entzun izatu, Eternala mintzatu izantzen arabera.

        16. Eta Eternalak erran zioen Moisi, errok Aaroni, heda zak hire xigorra, eta iazar diozok lurreko herrautsari, eta billhatuko duk zorri Ejiptuko herri guzian.

        17. Eta horrela egiñ izan zuten: Aaronek hedatu zuen bere eskua bere xigorrarekiñ, eta iazarri zioen lurreko herrautsari, zeña billhatu baitzen zorri gizonen gañean eta hazienden gañean: herriko herrauts guzia zorri billhatu zen Ejiptuko herri guzian.

        18. Eta Majizianoek orobat egin zuten bere sorginkeriekiñ zorriak erakhartzeko bañan eziñ egiñ ahal zuten. Zorriak bada izatu ziren hanbat gizonetan nola haziendetan.

        19. Orduan Majizianoek erran zioten Faraoni, hemen duk Iainkoaren erhia. Bizkitartean Faraonen bihotza gogortu izantzen, eta etzituen entzun izatu, Eternala mintzatu izan zen arabera.

        20. Gero Eternalak erran zioen Moisi, iaiki adi goiz goizetik, eta presenta adi Faraonen aitziñean. Horra, ilkhiko duk ur aldera: eta erranen diok, horrela erran dik Eternalak, utzak goatera ene poblua, zerbitza nazatentzat.

        21. Ezen uzten ezpaduk goatera ene poblua, horra, banihoak egortzera hire kontra, hire zerbitzarien kontra, hire pobluaren kontra, eta hire etxeen kontra, bestiatxo bilduma bat, eta ejiptuarren etxeak betheko dituk bilduma hartaz, eta lurra ere zeñaren gañean izanen baitire.

        22. Bañan apartatuko diat egun hartan Goszengo herria, non baitago ene poblua, halako maneraz non ezpaita izango han bestiatxo bilduma batere, iakin dezaantzat, ni naizela Eternala lurraren erdian.

        23. Eta emango diat diferentzia hire pobluaren eta ene pobluaren artean. Bihar gerthatuko da señale hori.

        24. Eta Eternalak horrela egiñ izan zuen eta bestiatxo bilduma haundi bat sarthu izatu zen Faraonen etxean, eta haren zerbitzarien etxe bakhotxean, eta Ejiptuko herri guzian: Lurra galdu izatu zen bilduma hartaz.

        25. Orduan Faraonek deithu zituen Moise eta Aaron, eta erran zuen zohazte, sakrifika diozozue zuen Iainkoari herri hartan.

        26. Bañan Moisek erran zuen ez lukek gerthatuko ungi horrela egiteaz: ezen gure Iainko Eternalari ejiptuarren gauza higingarria sakrifika giñozoke. Horra sakrifikatzen baldin bagindu ejiptuarren gauza higingarria hekien begien aitziñean, ezkintuzkete lapidatuko?

        27. Goanen gaituk hirur egunen bidez desertura, eta sakrifikatuko zioagu gure Iainko Eternalari, erranen darokun bezala.

        28. Orduan Faraonek erran zuen, utziko zaituztet, goatera sakrifikatzera desertuan zuen Iainko Eternalari: guziarekiñ ere etzarete urrunduko batere zuek goatean. Pazega zazue Eternala enetzat othoitzen bidez.

        29. Eta Moisek erran zuen, horra, ilkhitzen nauk ni hireganik, eta pazegatuko diat Eternala othoitz egiñik, bestiatxo bilduma erretira dadin bihar Faraonenganik, haren zerbitzarienganik, eta haren pobluaganik. Ordean Faraonek ez beza kontinua trufatzera, uzten eztuela goatera poblua Eternalari sakrifikatzera.

        30. Orduan Moise ilkhi zen Faraonenganik, eta sosegatu zuen Eternala othoitzen bidez.

        31. Eta Eternalak egin zuen Moisen hitzaren arabera: eta bestiatxo bilduma erretiratu zen Faraonenganikan, eta haren zerbitzarienganikan, eta haren pobluarenganikan: etzen gelditu bestiatxo bat xoillki.

        32. Bañan Faraonek pisatu zuen oraño bere bihotza aldi hortan, eta etzuen utzi goatera poblua.