HAMAHIRURGARREN KAPITULUA

Moisek proposatzen diote Israelen haurrei

Iainkoaren manamendua bazko

bildotsaren sakramenduaz.

11 Orobat lehensorthuen

kontsekrazionearen sakramenduaz,

14 manatzen dituela deklaratzera bethi

haren siñifikazionea bere haurrei.

17 Bidea Iainkotik Israeleko haurrak Ejiptutik

kanporat traza mirigarri batez gidatu dituena.

18 Iosepen hezur Ejiptutik kanpora ekharririkakoak.

        1. Eta Eternala mintzatu zitzaion Moisi, ziotsala,

        2. santifika dietzakidak lehensorthu guziak emasabel guzia idekitzen dutenak Israelen haurren artean, hanbat gizon nola bestia kumeak: ezen eneak dituk.

        3. Moisek beraz erran zioen pobluari, duzuen egun hartazko orhoitzapena zeñetan ilkhi izan baitzarete Ejiptutik, esklabo etxetik, ezen Eternalak erretiratu zaituzte esku borthitzez, eztitek ianen beraz ogi lebaturik.

        4. Ilkhitzen zarete gaur ogiburuak ontzen diren illhabethean

        5. Eternalak beraz sarrarazi izango auenean kananearren, hetiendarren, amorhearren, hebiendarren, iebusiendarren herrian, zeña egin baitiote iuramentu hire aitei, emanen daroala, zeña baita herri bat esne eta ezti dariona: orduan egingo duk zerbitzu hau illhabethe huntan.

        6. Zazpi egunez ianen dituk lemamigabeko ogiak, eta zazpigarren egunean izanen duk bestaburua Eternalarentzat.

        7. Ianen tiztek zazpi egunez lemamigabeko ogiak: eta eztuk ikhusi izango hire baithan lebaturikako ogi batere, ez eztuk ikhusi izango oraño lemamirikan hire herri guzietan.

        8. Egun hartan adiaraziko diotek hire haurrei, dioala, horrengatik Eternalak egin ziarotak, ni erretiratzean Ejiptutik.

        9. Eta hori izanen zaik señaletzat hire eskugañean, eta orhoitzapentzat hire begien artean, Eternalaren legea izan dadintzat hire ahoan, zeren eta Eternalak erretiratu izango bai hau Ejiptutik esku borthitzez,

        10. begiratuko duk beraz ordena hori bere sasoñean urthetik urthera.

        11. Oraño Eternalak sarrarazi izango auenean kananearren herrian, hiri eta hire aitei iuramentu egin dioten arabera, eta eman izango daroanean:

        12. Orduan presentatuko diotzok Eternalari athea idekitzen duten guziak, oraño ilkhitzean bestien athea idekitzen duten guziak izango dituan harrak Eternalarentzat izango dituk.

        13. Bañan erreskatatuko dituk ardien artetikako edo ahuntzen artetikako kume batez astoen athea idekitzen duten guziak: eta erreskatatzen ezpaldin baituk, ebakiko diotek lephoa. Orobat erreskatatuko dituk lehensorthurikako gizon guziak hire haurren artean.

        14. Eta hire semeak interrogatuko auenean hemendik aitziñera, diotsala, zer erran nahi du hunek? orduan erranen diok, Eternalak erretiratu giaitik esku borthitzez Ejiptutik kanpora, esklabotasun etxetikan.

        15. Ezen gerthatu zen Farao gogortu izantzen orduan gu ez uztera goatera, Eternalak hil zituela lehensorthu guziak Ejiptuko herrian, gizonen lehensorthuetarik eta bestien lehensorthuetaraño: hargatikan sakrifikatzen ziotzaat Eternalari har athea idekitzen duten guziak, eta hala erreskatatzen tiat ene haurren lehensorthuak.

        16. Hori izanen zaik beraz señaletzat hire esku gañean, eta guarda bekhokitzat hire begien artean Eternalak erretiratu gaituela Ejiptutikan esku borthitzez.

        17. Faraok bada utzi zuen orduan goatera poblua, Iainkoak etzituen gidatu izatu filistintarren herriko bideaz, laburrena zelarik: ezen Iainkoak baziotsan, probeditu behar da pobluari perbentura urriki eztakion gerla ikhusiko duenean eta eztadin bihur Ejiptura.

        18. Bañan Iainkoak bira bira erabillarazi zuen poblua desertuko bideaz itsas gorri aldera. Hala Israelen haurrak igan izatu ziren armaturik Ejiptuko herritikan.

        19. Eta Moisek hartu zituen berekien Iosepen hezurrak: zeren eta Iosepek iuramentu eragin baitzioten espresuki Israelen haurrei, ziotsala, Iainkoak bisitatuko zaituzte egiaz, eramanen ditutzue beraz zuekiñ ene hezurrak hemendik.

        20. Eta partitu ziren Sukothik, eta gelditu ziren Ethamen, zeña baita desertuaren buruan.

        21. Eta Eternala egunaz hedoiezko koluna batean goaten zen hekien aitziñean, hek bidean gidatzeko: eta gauaz suzko koluna batean, hei argi egiteko, bidean goan zitezentzat egunaz eta gauaz.

        22. Eta etzituen khendu hedoiezko koluna egunekoa ez suzko koluna gauazkoa pobluaren aitziñetik.