BORTZGARREN KAPITULUA

Moisek eta Aaronek deklaratzen diote

bere kargua Faraoni

4 zeñak akusatzen baititu trublagarriak direla

eta khasatzen bere aitziñetikan.

6 Eta kargatzen baitu oraño

gehiago Israeleko poblua.

19 Hargatik israeltarren komesarioek

ihardukitzen dute Moise eta Aaronekiñ.

22 Eta hortaz Moisek egiten dio errenkura Iaunari.

        1. Ondoan gero Moise eta Aaron ethorri izan ziren, eta erran zioten Faraoni, horrela erran izan du Eternalak, Israeleko Iainkoak, utzak goatera ene poblua, zelebra diezadantzat bestaburu bat desertuan.

        2. Ordean Faraonek erran zuen, nor da Eternala, obedi diozodan nik haren bozari, Israel goatera uzteko? eztiat ezagutzen Eternala, eta oraño eztiat utziko goatera Israel.

        3. Eta erran zuten, hebrearren Iainkoa ethorri ziaikuk inkuntratzera: othoizten augu, goan gaitezen orai hirur egunen bideaz desertura, eta sakrifika diozogun Eternal gure Iainkoari, bere burua gure gañera aurthik eztezan beldurrez heriotzez edo ezpataz.

        4. Eta Ejiptuko Erregek erran zioten, Moise eta Aaron zergatik aldararazitzen duzue Poblua bere obratikan? zohazte orai zuen kargetara.

        5. Faraonek erran zuen oraño, horra, herri huntan poblu hauñitz da orai, eta geldiarazitzen ditutzue bere kargetarik.

        6. Eta Faraonek manatu zioten egun hartan berean pobluaren gañean ziren Gabelurei, eta haren komesarioei, erraten zuela,

        7. Eztiozue emanen gehiago lastorik poblu horri ardillu egiteko lehen bezala: bañan bihoaz eta bill bezate lastoa.

        8. Bizkitartean kargatuko ditutzue lehen egiten zituzten ardillu kuantitatez handik deusere gutitu gabetanikan: ezen horiok astia-duten iendeak dire, hargatikan daudez oihuz, erraten dutela, goazen, eta sakrifika diozogun gure Iainkoari.

        9. Lana haundi bedi iende horion gañean, eta okupa beitez, eta ez bezate, iragan denbora gezur hitzketan.

        10. Pobluaren Gabelurak bada eta haren komesarioak ilkhi ziren, eta erran zioten pobluari, horrela erran du Faraonek, eztarotzuet emanen gehiago lastorik.

        11. Zohazte zeuok hartzera lastoa non ere aurkhituko baituzue eta harat: ezen eztuk gutituko deusere zuen lanetikan.

        12. Orduan Poblua barraiatu izantzen Ejiptuko herri guzian biltzeko lastoaren orde.

        13. Eta Gabelurek khexarazitzen zituzten, erraten zutela, akhaba tzatzue zuen lanak, egun guziez bere lana, lastoa ematen zitzaitzuenean bezala.

        14. Israeleko haurren komesarioak ere, Faraonen Gabelurek hekien gañean ezarri zituztenak zehatuak izatu ziren, eta erran zioten, zergatik eztuzue akhabatu zuen lana, eztutzue egiñ ardilluak atzo eta egun, lehen bezala?

        15. Orduan Israeleko haurren komesarioak ethorri ziren oihu egitera Faraoni, ziotsatela, zergatik egiten diotek horrela hire muthillei?

        16. Etziotek ematen lastorik hire muthillei, eta erraten ziarokutek, egitzue ardilluak. Eta horra, hire muthillak zehatuak dituk eta hire poblua punitua duk bekhatu egin balu bezala.

        17. Eta ihardetsi zuen, baduzue asti. Baduzue asti: hargatikan erraten duzue, goazen sakrifika diozogun Eternalari.

        18. Orai bada, zohazte, egizue lana: ezen lastoa etzaitzue emango, eta bitartean errendatuko duzue ardillu kuantitatea.

        19. Eta Israeleko haurren komesarioek ikhusi zuten pontu gaxtoan zirela, erraten zutenaz geroz, eztuzue gutituko deusere zuen ardilluetarik egun bakhotxeko lanetikan.

        20. Eta Faraonenganik ilkhitzean, inkuntratu zituzten Moise eta Aaron zeñak ediren baitziren hekien aitziñean.

        21. Eta erran zioten, Eternalak begira diezazuela eta iuia zaitzatela, ikhusirik higiñarazi gaitutzuela Faraoni eta haren zerbitzariei, ematen diozuela ezpata bere eskuan gure hiltzeko.

        22. Orduan Moise bihurtu zen Eternalagana, eta erran zuen, Iauna, zergatikan gaizki tratarazi duk poblu hau? zergatikan egorri nauk?

        23. Ezen Faraonengana ethorri naizenaz gerostik hire izenean mintzatzera, gaizki tratatu izan dik poblu hau, eta eztuk libratu batere heure poblua.