ZORTZIGARREN KAPITULUA

Uholde urak ehun eta berrogoita hamar egun
iraun ondoan erretiratzen dire.
13 Eta lurra idortu ondoan,
Iainkoak manatzen du Noe
arkatik ilkitzera han ziren guziekiñ
20 Noek arkatik ilkhi eta sakrifikatzen dio Iaunari,
zeñak erreberritzen baitu munduaren estatua.

        1. Iainkoa bada orhoitu izan zen Noez, eta bestia guziez eta arkan barna harekin ziren abrebestiaki guziez: eta Iainkoak iraganarazi zuen haize bat lurraren gañean, eta urak gelditu izan ziren

        2. ezen lezeko ithurriak herstuak izatu ziren eta zeruetako tapak: eta uria idukia izatu zen zeruetarik

        3. eta urak erretiratzen ziren lehen baño lehenago lurraren gañetikan: eta ehun eta berrogoita hamar egunen buruan xumetu izan ziren

        4. eta zazpigarren illhabeteko hamazazpigarren egunean arka gelditu izan zen Ararateko mendien gañean

        5. eta urak xumetuaz zihoazen lehen baño lehenago hamargarren illhabeteraño, eta hamargarren illhabeteko lehen egunean mendi puntak agertu izan ziren.

        6. Gero gerthatu zen berrogoi egunen buruan Noek ideki zuela arkako leiho egin zuena.

        7. Hala utzi zuen belea, zeña ilkhi baitzen goaten zela eta bihurtzen zela urak lurraren gañean idor zitezen arteraño

        8. uso bat ere utzi izan zuen bereganik ikhusteko ea urak gutitu ziren lurraren gañetik.

        9. Bañan usoa non bere oña phausa ez aurkhitu izanez, bihurtu izan zen harengana arkara: ezen urak ziren lur guziaren gañean. Eta hark bere eskua aitzin du eta hartu izan zuen eta erretiratu beregana arkan barna.

        10. Eta bertze zazpi egun oraño iduriki ondoan, berriz utzi izan zuen usoa arkatik kanpora

        11. eta arratsaldean usoa bihurtu zen harengana eta horra haren mokoan oliba osto atheratu zuena: eta Noek ezagutu zuen urak gutitu zirela lurraren ganetik

        12. hala iduriki zuen oraño bertze zazpi egun, gero utzi zuen usoa, zeña ezpaitzen bihurtu gehiago harengana.

        13. Eta gerthatu izan zen Noeren adiñaren sei ehun eta urthe batean lehen illhabeteko lehen egunean urak idortu zirela lurraren gañetikan: eta Noek arkako estalkia khendu eta begiratu zuela: eta horra, lur gaña idortzen zen.

        14. Eta bigarren illhabeteko hogoita zazpigarren egunean lurra idor izatu zen

        15. gero Iainkoa mintzatu zitzaion Noeri ziotsala:

        16. Ilkhi adi arkatik hi eta hire emaztea, hire semeak eta hire semeen emazteak hirekiñ.

        17. Ilkhiarazitzak hirekiñ, hirekin diren bestia guziak haragi guzietarikakoak hala hegastiñak nola bestiak eta lurraren gañean higitzen diren herrestaki guziak. Ungi bethe bezate lurra, eta berret eta hauñitz egin beitez lurraren gañean.

        18. Noe bada ilkhi izan zen haren semeak, haren emaztea eta haren semeen emazteak harekiñ.

        19. Besti guziak, herrestaki guziak, hegastin guziak, Lurraren gañean higitzen diren guziak bere motaren arabera, ilkhi ziren arkatik

        20. eta Noek egin zioen aldarebat eternalari eta hartu zituen bestia garbi guzietarik, eta hegastin garbi guzietarik eta ofrendatu zituen holokaustak aldarearen gañean.

        21. Eta sentitu zuen Eternalak bake urrin bat eta erran zuen bere baithan, eztut gehiago madarikatuko Lurra, gizonak direla kausa: ezen gizonen bihotzeko imajinazionea gaxtoa da hekien gaztarrasunetik, eta hala eztiotet gehiago iazarriko gauza bizi guziei, egin dudan bezala

        22. bañan Lurra izanen deño hazi ereintzeak eta biltzeak, hotza eta beroa uda eta negua eguna eta gaba eztire geldituko.