HOGOI ETA HAMALAURGARREN KAPITULUA

Sikemek, Dina Iakoben alaba goratu eta bortxatu eta,

4 eskatzen du emaztetzat, lagun zuela Hemor bere aita.

13 Iakoben haurrek tronperiaz baliaturik
prometatzen diote haña, kondizionerekiñ
Sikemgo poblu guzia zirkuntzisatua izango zela.

20 Hori konplitu eta, Simeon eta Lebi ethortzen dire,
eta hillzen dituzte Sikemgo gizon guziak
eta bere anaiekiñ pillatzen dute hiria.

30 Horrengatik Iakob hagitz fastikatzen da,
eta eztaki zer egiñ bere etxea seguratzeko.

        1. Dina bada Leak Iakobi egin zioen alaba ilkhi izan zen herriko neskatxen ikhustera.

        2. Orduan Sikemek Hemor hebiendarraren semeak, herriko Printzeak ikhusi izan zuen haña, eta goratu zuen, eta etzitu izan zen harekiñ, eta bortxatu zuen.

        3. Eta haren bihotza lothu zitzaion Dina Iakoben alabari eta maitatu izan zuen neskatxa gaztea eta mintzatu zitzaion bere gogara.

        4. Hemor bere aitari ere mintzatu zitzaion Sikem, ziotsala, hartzak neskatxa hori enetzat emazte izateko.

        5. Iakobek bada entzun zuen bortxatu zuela haren alaba Dina, eta haren semeak haren arthaldearekiñ larrean ziren. Hala Iakob ixillik egotu izan zen hek bihurtu artean.

        6. Hemor beraz Sikemen aita ethorri zen Iakobgana harekin minzatzera.

        7. Eta Iakoben haurrek egitekoa aditu zuten bezain sarri, bihurtu ziren larretikan, eta desplazer izatu zuten eta hagitz despitatu ziren Israelen kontra kometitu zuen itsuskeria zela kausa, Iakoben alabarekiñ etziturikan: zein gauza ezbaitzen behar egiñ.

        8. Eta Hemor mintzatu zitzaien hei, erraten zuela, Sikem ene semeak zuen alaba baithan ezarri izan du bere afekzionea: eman diozozue, othoizten zaituztet, emaztetzat.

        9. Eta iunta zaitezte gurekiñ, eman dietzagutzue zuen neskatxak, eta hartzatzue gure neskatxak zuentzat.

        10. Eta egon zaitezte gurekiñ eta herria zuen manuko izanen da: egon zaitezte han, eta trafika zazue eta posedi zazue.

        11. Sikemek ere erran zioten haren aita eta anaiei, ediren dezadan grazia zuen aitziñean, eta erranen darotazuen hura, emango dut.

        12. Hagitz haundi egizue ene gañean dotea, eta presenta, eta emango ditut nola ere errango baitarotazue eta hala: eta eman diezadazue neskatxa gaztea emaztetzat.

        13. Iakoben semeek beraz ihardesten ziotela Sikemi eta Hemor haren aitari eta tronperiaz mintzatzen zirela [zeren eta bortxatu baitzuen Dina hekien arreba],

        14. erran izan zioten, eziñ egiñ ahal giñezake gauza hori, eman gure arreba prepuzioa duen gizon bati: ezen hori laido zaiku.

        15. Bizkitartean alogatuko gare zuekiñ huntan, egiten baldin bazarete gu bezala, zirkuntzisatzen ditutzuela zuen arteko haur har guziak.

        16. Orduan emanen darozkitzuegu gure neskatxak, eta hartuko ditugu zuen neskatxak guretzat eta egongo gare zuekiñ, eta egingo gare poblu bat.

        17. Bañan obeditzen ezpaldin bagaitutzue zirkuntzisatuak izateko, hartuko dugu gure alaba, eta goanen gare.

        18. Eta hekien perpausak agradatu zitzaizkoten Hemorri eta Sikem Hemorren semeari.

        19. Eta gizon gazteak etzuen berantetsi izatu hori egitera: ezen Iakoben alaba hagitz agradatzen zitzaion: eta bere aitaren etxeko iende guzietarik ohoragarriena zen.

        20. Hemor beraz eta Sikem haren seme, ethorri izan ziren bere hiriko athera, eta mintzatu zitzaizkoten bere hiriko iendeei, ziotsatela,

        21. iende hauk soseguzkoak dire, gurekin dire egon beitez herrian, eta trafika bezate. Eta horra, herria zabala da hedaduraz horion aitziñean: hartuko ditugu emaztetzat hekien neskatxak guretzat, guk ere gure neskatxak emanen diotzagute.

        22. Bitartean iende horiok alogatuko dire gurekiñ huntan, gurekiñ egoteko, poblu bat egiteko, gure arteko har guziak zirkuntzisatuak izan daitezen moienez, hek zirkuntzisatuak diren bezala.

        23. Horion arthaldeak eta horion sustantzia eta horion bestia guziak eztire gure izango? Solament aloga gaitezen horiokiñ, eta egon beitez gurekiñ.

        24. Eta bere hiriko athetik ilkitzen ziren guziek obeditu zioten Hemorri eta Sikem haren semeari eta har guziak zirkuntzisatuak izatu ziren bere hiriko athetik ilkhitzen ziren guzien artetikan.

        25. Eta gerthatu zen hirurgarren egunean, dolorean ziren orduan, Iakoben haurretarik biek, Simeonek eta Lebik Dinaren anaiek hartu zutela bat bederak bere ezpata, eta sarthu zirela ausarki hirian, eta hil zituztela har guziak.

        26. Hill izan zituzten oraño ezpatahoz Hemor eta Sikem haren semea, eta hartu zuten Dina Sikemen etxetik, eta ilkhi izan ziren.

        27. Eta Iakoben haurrak ethorri izan ziren, hek hill izatu eta, eta pillatu zuten hiria, zeren eta bortxatu baitzuten hekien arreba.

        28. Eta hartu zituzten hekien arthaldeak, hekien idiak, hekien astoak, eta hirian eta larrean zena:

        29. Eta hekien sustantzia guzia, eta hekien xeheria guzia: eta eraman zituzten preso hekien emazteak: eta pillatu zituzten etxetan ziren gauza guziekiñ.

        30. Iakobek bada erran zioten Simeoni eta Lebiri, nahasi nauzue, higiñarazitzen nauzuela herriko habitantei, hanbat kananearrei nola fereziendarrei: eta iende guti diat: bilduko dituk bada ene kontra, eta iazarriko ziarotatek, eta desegiña izango nauk ni eta ene etxea.

        31. Eta ihardetsi izan zuten, egin dezaten gure arrebaz ema paillart batez bezala?