HOGOIGARREN KAPITULUA

Abrahanek egoitza egiten du Geraren,
non altxatua baita haren emaztea Abimelek Erregeaz,
3 zeñak hori dela kausa hagitz erreprehenditua
eta punitua izatu eta Iaunaz,
9 errendatzen baitio Sara osorik Abrahani.
14 Zeñari egiten baitiotza present haundiak
17 eta ondoan sendatua da bere familia guziarekiñ
Abrahanen othoitza dela kausa.

        1. Eta Abraham goan izan zen handik eguberdiko herrira: eta egotu izan zen Kadesen eta Szurren artean, eta egotu izan zen arrotz bezala Geraren.

        2. Eta Abrahanek erran zuen Sara bere emazteaz, ene arreba da. Abimelek bada Gerarko Erregeak bidaldu zuen eta hartu zuen Sara.

        3. Bañan Iainkoa ethorri zitzaion Abimeleki gabazko ametsetan: eta erran zioen, horra, hill aiz, hartu duan emaztea dela kausa: ezen ezkondua duk senhar batekiñ.

        4. Eta Abimelek etzitzaion hurbildu hari ihardetsi zuen bada, Iauna, hillen duk nazione iustua ere?

        5. Eztarot erran, ene arreba da? eta erran du hark berak ere, ene anaia da. Hori egin diat nik ene bihotzeko osotasunean eta ene eskuetako garbitasunean.

        6. Eta Iainkoak erran zioen ametsetan, bazeakiat egin duala hori hire bihotzeko osotasunean, hargatik guardatu ere aut ez bekhatu egitetik ene kontra. Horrengatikan eztaroat permetitu hura ukitzera.

        7. Orai bada errenda diozok emaztea gizon horri: ezen profeta duk, eta egiñen dik othoitz hiretzat, bizi adintzat, bañan errendatzen ezpaduk, iakintzak hillen aizela heriotzez, eta hire diren guziak.

        8. Eta Abimelek iaiki izan zen goizgoizean eta deithu zituen bere muthil guziak, eta erran zituen gauza horiok guziak, hek aditzen zutela zerengatik hagitz beldurtu baitziren.

        9. Gero Abimelek deithu izan zuen Abraham, eta erran zioen, zer egin darokuk? Eta zertan ofentsatu aut, ekharrarazi izatu duan ene gañera eta ene erresumaren gañera bekhatu haundi bat? Egin darozkidak egiteko eztiren gauzak.

        10. Abimelek erran zioen oraño Abrahani, zer ikhusi duk, zergatik egin duan gauza hau?

        11. Eta Abrahanek ihardetsi zuen, zeren eta erraten bainuen, hanbatenaz ezpaita Iainkoaren beldurtasunik lekhu huntan, eta hillko naute ene emaztea dela kausa.

        12. Bañan oraño egiazki ene arreba da, ene aitaren alaba: ene amaren alaba ezten arren eta hala eman izatu zait emaztetzat.

        13. Eta gerthatu izan da, Iainkoak eraman nauen orduan harat hunat, ene aitaren etxetik kanpora, erran izan diodala, hemen dun grazia hik niri egiñen darotanana: ethorriko garen lekhu guzietan, erran nitaz, ene anaia da.

        14. Orduan Abimelek hartu zituen ardiak, idiak, muthillak eta neskatoak, eta eman ziotzan Abrahani, eta errendatu zioen Sara bere emaztea.

        15. Eta erran zuen, horra, ene herria hire manuko: egon adi non ere plazer izanen baituk eta han.

        16. Eta erran zioen Sarari, horra, eman ziotzanat hire anaiari milla zillhar pheza: horra, begi estalki bat zaiñ hiri hirekin diren guzien aldera, eta bertze guzien aldera: horrela izatu zen erreprehenditua.

        17. Eta Abranek egin zioen eskea Iainkoari: eta Iainkoak sendatu zuen Abimelek, haren emaztea, eta haren neskatoak: gero haurrak egin zituzten.

        18. Ezen Eternalak herstu zituen osoki Abimelen etxeko emasabel guziak, Sara Abrahanen emaztea zela kausa.