BEDERATZIGARREN KAPITULUA

Farao punitua da bortzgarren plagaz,
erran nahi da, heriotzeaz,
horrengatik Ejiptuko hazienda hiltzen da:

8 Ondoan gero seigarrenaz, erran nahi da

zauri bixika dakharketenez.

13 Eta zeren baitago gogorturik,

Iainkoak hagitz mehatxatu eta,

22 egortzen du zazpigarren plaga,

erran nahi da babazuza:

27 Hori dela kausa Farao bortxatua da

aithortzera bere eskasa,

34 bañan bitartean ostriñaturik dago

bere bekhatuan, Iainkoak erlaxamendua

ematen dioen bezain sarri.

        1. Orduan Eternalak erran zioen Moisi, oha Faraonengana, eta erran diozok, horrela erran dik Eternalak, hebrearren Iainkoak, utzak goatera ene poblua, zerbitza nazatentzat.

        2. Ezen errefusatzen baduk uztera goatera eta idukitzen baldin baituk oraño,

        3. horra, Eternalaren eskua izango duk hire hazienda larrean denaren gañean, hanbat zamarien gañean, nola astoen, kameluen, idien, eta ardien gañean, erran nahi da, heriotze xoill haundi bat.

        4. Eta Eternalak ezarriko dik diferentzia israeltarren haziendaren eta ejiptuarren haziendaren artean: Israelen haurren diren gauzetarik deusere hill eztadintzat.

        5. Eta Eternalak señalatu zuen termiñoa, ziotsala, bihar Eternalak egiñen ziok hori herriari.

        6. Eternalak beraz egin zuen hura biharamunetik: eta ejiptuarren hazienda guzia hiltzen bañan Israelen haurren haziendatik etzen hill izatu zathi bat xoillki.

        7. Eta Faraonek egorri zuen ikhustera: eta horra, etzen zathi bat ere xoillki hillikan Israelen haurren haziendatik. Guziarekiñ ere Faraonen bihotza pisatu izantzen, eta etzuen utzi goatera poblua.

        8. Orduan Eternalak erran zioten Moisi eta Aaroni hartzatzue zuen esku barneak labetikako hautsez betherik: eta Moisek barraia beza zeruen aldera Faraonen aitziñean.

        9. Eta hori herrauts billhatuko duk Ejiptuko herri guziaren gañean: eta hartaz egingo tuk zauri bixika dakharketenak, hanbat gizonen gañean, nola bestien gañean, Ejiptuko herri guziaren gañean.

        10. Hartu zuten bada labetikako hautsa, eta egotu ziren Faraonen aitziñean: eta Moisek barraiatu zuen hautsa zeru aldera eta billhatu zen zauri bixikak dakharzketenekiñ hanbat gizonetan nola bestietan.

        11. Eta Majizianoak eziñ egotu ahal izatu ziren Moisen aitziñean zauriak zirela kausa ezen baziren zauriak majizianoetan ejiptuar guzietan bezala.

        12. Eta Eternalak gogortu zuen Faraonen bihotza: eta etzituen entzun izatu, Eternala Moisi mintzatu zitzaion arabera.

        13. Gero Eternalak erran zioen Moisi, iaiki adi goiz goizetik, eta presenta adi Faraonen aitziñean, eta erran diozok, hunela erran dik Eternalak, hebrearren Iainkoak, utzak goatera ene poblua, zerbitza nazatentzat.

        14. Ezen oraingo aldian banihoak erakhartzera ene plaga guziak hire bihotzera eta hire zerbitzarien gañera, eta hire pobluaren gañera: iakin dezaantzat eztela nihor ere ni bezalakorik Lur guzian.

        15. Ezen hedatu izan baldin banu ene eskua ionen indudan heriotzez, hi eta hire poblua: eta urratua izango intzen lurretikan.

        16. Bañan egiaz, hagoan idukiarazi aut hunengatik ikhusaraz dezaantzat ene puxantza, eta mintza daitezentzat ene izenaz lur guzian.

        17. Prestatzen aiz oraño ene pobluaren kontra, ez uztekotz goatera?

        18. Horra, uria eragitera nihoak bihar oren huntan berean babazuza bat xoill hagitz borthitza hori bezalakorik Ejiptuan izatu ezten bat, fundatua izatu den egunetik eta orai arteraño.

        19. Orai beraz egortzak biribillkatzera hire haziendak, eta larrean dituan gauza guziak. Ezen babazuza eroriko duk gizon guzien gañera, eta bestia larrean edirengo direnen, eta etxerat erretiratuak izango eztirenen gañera, eta hillen dituk.

        20. Faraonen zerbitzari Iainkoaren hitzaren beldur izatu zen. Hark ihes eragin zioten etxetara haren zerbitzariei eta haren bestiei.

        21. Bañan Eternalaren hitzari bere bihotza iratxaki etzioenak, utzi zituen haren zerbitzariak eta bestiak larrean.

        22. Orduan Eternalak erran zioen Moisi, heda zak hire eskua zeru aldera eta izanen duk babazuza Ejiptuko herri guzian, gizonen gañean, eta bestien gañean, eta larreko belhar guzien gañean Ejiptuko herrian.

        23. Moisek beraz hedatu zuen bere xigorra, zeru aldera, eta Eternalak egorri zituen ihurtziriak eta babazuzak, eta sua pasaietan zebillan lurrean, eta Eternalak uri babazuza hariarazi zuen Ejiptuko herriaren gañera.

        24. Eta han izatu zen babazuza suarekien zeña kontzerbatzen baitzen babazuzaren artean, zeña baitzen harrigarri borthitza, hori bezalakorik ezpaitzen izatu Ejiptuko herri guzian, nazione egiñ izatu zenaz geroz.

        25. Eta babazuzak io zituen larrean ziren gauza guziak gizonetarik bestietaraño. Babazuzak io zituen larreko belharki guziak ere, eta porroskatu zituen larreko arbola guziak.

        26. Solament Goszengo herrian, non baitziren Israelen haurrak etzen izatu babazuzarik.

        27. Orduan Faraonek egorri zituen deitzera Moise eta Aaron, eta erran zioten, bekhatu egin diat oraingo aldian: Eternala iustua duk, bañan ni eta ene poblua gaxtoak gaituk.

        28. Sosegaraz zazue othoitz egiñik Eternala: izan dadiñ aski, eta izan estadin gehiago Iainkoaren ihurtziririk, eta babazuzarik: ezen utziko zaituztet goatera, eta etzaituzte geldiaraziko gehiago.

        29. Orduan Moisek erran zuen, hiritikan ilkhitzen naizen bezain sarri, hedatuko tiat neure eskuak Eternalarengana: eta Ihurtziriak geldituko tituk, eta eztuk izango gehiago babazuzarik, iakin dezaantzat Lurra Eternalarena dela.

        30. Bañan nitaz eta hire zerbitzariez denaz bezanbatean, bazeakiat etzaretela oraño Iainko Eternalaren beldur izanen.

        31. Liñhoa eta garagarra bada ioak izatu ziren. Ezen garagarra egintzen buru ontzen hari, eta liñhoa pipantzen.

        32. Bañan ogia eta [...] etziren ioak izatu, zeren eta gordeak baitziren.

        33. Moisek beraz, hiritik Faraonenganikan ilkhi eta, hedatu ziotzan bere eskuak Eternalari eta ihurtziriak gelditu ziren, eta babazuza, eta uria etzen erori gehiago lurraren gañera.

        34. Faraonek ikhusirik uria, babazuza eta ihurtziriak gelditu zirela kontinuatu zuen bekhatu egitera, eta pisatu zuen bere bihotza, hark eta haren zerbitzariek.

        35. Faraonen bihotza beraz gogortu izantzen, eta etzituen utzi goatera Israelen haurrak, Eternala Moisen medioz mintzatu izantzen arabera.