BIGARREN KAPITULUA

Moise sorthu eta
hirur illhabetez gordea izaturik.

3 Ezarria da ibaian:

5 bañan ikhusia izanik Faraonen alabaz,

erretiratua da hirriskutik,

9 eta emana bere ama propioari haztekotzat:

10 haundi egiñ eta hautatua da

semetzat Faraonen Alabaz.

11 Gero ejiptuar bat hill eta,

15 beldurturikan hill zezan Faraonek,

goaten da ihesi madianera.

21 Non hartzen baitu emaztetzat Sefora.

23 Farao hill eta, israeltarrak suspiraz

dagozka Iaunari, zeñak entzuten baititu

hekien nigar auhenak.

        1. Goan izan zen bada Lebiren etxeko personaia bat, eta hartu zuen Lebiren alaba bat.

        2. Zeñak kontzebitu baitzuen eta egiñ seme bat, eta ikhusirikan ederra zela, gorde izan zuen hirur illhabetez.

        3. Bañan gorderik gehiago eziñ iduki izanez, hartu izan zioen ihiz egiñikako kofretxo bat, eta alkaternaztatu zuen eta breiaztatu: gero ezarri zuen haurra hartan barna, eta phausatu zuen arrosategi batean ibaiaren gañean.

        4. Eta haren arreba urrunetik egotu izan zen iakiteko zer egiñen hartaz.

        5. Faraonen alaba bada iautsi izan zen garbitzera ibaian, eta haren neskatxak pasaietan zebiltzan ibaiaren gañean: eta ikhusirik kofretxoa arosategiaren erdian egorri izan zuen bere neskato bat zeñak hartu baitzuen.

        6. Eta kofretxoa ideki eta ikhusi zuen haurra. Eta horra, haurra nigarrez zegoen: urrikaldu zitzaion bada haurra, eta erran zuen, hebrear horion haurretarik duk hau.

        7. Orduan haren arrebak erran zioen Faraonen alabari, goanen othe naun deitzera hiri emazte bat hebrearren artetik bulharra eman dezan, eta emanen zion bulharra haur horri?

        8. Eta Faraonen alabak ihardetsi zioen, oha. Eta neskatxa gaztea goan izan zen, eta deithu zuen haurraren ama.

        9. Eta Faraonen Alabak erran zioen, eraman tzan haur hau eta bulharra eman diozon eta emanen daronat pagua: eta Emazteak hartu zuen haurra eta bulharra eman zioen.

        10. Eta haurra haundi egiñ izan zen orduan eraman zioen Faraonen alabari, eta semetzat izatu zitzaion, eta deithu izan zuen haren izena Moise, zeren eta [ziotsan] uretarik atheratu izan baitut.

        11. Eta gerthatu zen denbora hartan, Moise haundi egiñ izan zen orduan, ilkhi izan zela bere Anaiengana, eta ikhusi zituen hekien kargak: ikhusi izan zuen ejiptuar bat ere iotzen zuela hebrear bat bere anaien artetikakoa.

        12. Eta begiratu ondoan harat hunat, ikhusi zuen etzela nihor: hala hill izan zuen ejiptuarra, eta gorde zuen hareapean.

        13. Berriz ilki izan zen bigarren egunean, eta horra, bi gizon hebrearrek ihardukitzen zuten, hargatikan erran izan zioen falta zuenari, zergatik iotzen duk heure lagun proximoa?

        14. Zeñak ihardetsi baitzuen, nork ezarri au Printze eta Iuietzat gure gañean? uste nauk ni hill, ejiptuarra hill izan duan bezala? eta Moise beldurtu zen, eta erran zuen, egiaz egiña ezagutua da.

        15. Faraonek bada egiñ hori entzun eta ibilli izatu zen Moise hil nahiz. Ordean Moise ihesi goan izan zen Faraonen aitziñetik, eta gelditu Madiango herrian, eta iarri zen urphutzu baten ondoan.

        16. Eta Madiango sakrifikatzailleak bazituen zazpi alaba, zeñak ethorri baitziren ur atheratzera, eta bethe zituzten askak bere aitaren arthaldeak edarateko.

        17. Orduan artzañak ethorri ziren, eta khasatu zituzten hek: bañan Moise altxatu zen eta begiratu zituen, eta edaran zuen hekien arthaldea.

        18. Eta bihurtu izan ziren orduan Rehuel bere aitagana, erran zioten, nola bihurtu zarete horren laster egun?

        19. Ihardetsi zuten, gizon ejiptuar batek libratu giaitik artzañen eskutikan: eta oraño ura franko atheratu ziarokuk, eta edaran dik arthaldea.

        20. Orduan erran zioten bere alabei, eta non da hura? Zergatik horla utzi duzue gizon hura? Deitzazue, eta ian beza ogia.

        21. Eta Moise akordatu zen egoteko gizon harekien, zeñak eman baitzioen Sefora bere alaba Moisi.

        22. Eta erdi izan zen seme batez, eta deithu zuen haren izena Gerszom ezen erran zuen herri arrotzean egotu izan nauk.

        23. Gerthatu zen bada denbora luzearen ondoan Ejiptuko Errege hil zela: eta Israelen haurrak suspiraz egotu zirela gathibutasuna zela kausa, eta egin zutela deihadar, eta hekien deihadarra, gathibutasuna zela kausa, igantzela Iainkoagana.

        24. Iainkoak beraz entzun zituen hekien nigar-auhenak: eta Iainkoa orhoitu izan zen bere, Abrahan, Isaak, eta Iakobekiko alientziaz.

        25. Hala Iainkoak begiratu zioten Israelen haurrei, eta ezagutu zituen.