BERROGOI ETA ZAZPIGARREN KAPITULUA

Iosepek adiarazitzen dio Faraoni
bere aitaren ethortzea,

2 eta presentatzen diotza bere anaietarik bortz,

4 zeñek galdetzen baitiote Erregeri
egon ahal daitezen Goszengo herrian:

5 zer akordatzen baitzaie.

7 Iakobek, Faraonen aitziñean presentatu
eta agur egiten dio hañari, eta
ondoan gero erretiratzen da Goszenera.

12 Non Iosepek neurritzen baitu
bere familia guziarekien.

13 Ejiptuarrek gosetez herstuak izaturik,
sakrifikatzailleez edo gobernadoreez landan,
bere diru guziak akhabatu eta,

17 saltzen dituzte bere haziendak

19 eta ondoan gero bere lurra:

23 Zeña errendatzen baitzaie
laborantza egiteko, kondizionerekien
pagatuko diotela errentaren bortzgarrena Faraoni.

28 Iakobek ikhusirikan hiltzera zihoala iuramentu
eragiten dio Iosepi, ehortziko duela Kanaango herrian.

        1. Iosep beraz ethorri izan zen, eta adiarazi zioen Faraoni, ziotsala, ene aita eta ene anaiak bere arthaldeekiñ, eta bere idiekiñ eta hekien ziren gauza guziekien ethorri dituk Kanaango herritikan, eta horra Goszengo herrian dituk.

        2. Eta hartu zuen parte bat bere anaietarik, erran nahi da bortz gizon, eta presentatu zituen Faraonen aitziñean.

        3. Eta Faraonek erran zioten haren anaiei, zer da zuen ofizioa? Ihardetsi zioten Faraoni, hire muthillak artzañak dituk hanbat gu nola gure aitak.

        4. Erran zioten oraño Faraoni, arrotz bezala egotera ethorri gaituk herri huntara ezen bazkarikan eztuk hire muthillei dagozkaten arthaldeentzat: eta gosete haundi bat ere baduk Kanaango herrian. Orai bada othoizten augu hire muthillak egon daitezen Goszengo herrian.

        5. Eta Faraon mintzatu zitzaion Iosepi ziotsala, hire aita eta hire anaiak ethorri dituk hiregana.

        6. Ejiptuko herria hire manuko duk: egonaraz detzak hire aita eta hire anaiak herriko lekhurik hoberenean; egon daitezen Goszengo herrian, eta ezagutzen baldin baduk, hekien artean badela iende balentik, ordenatuko dituk ene hazienden nausi.

        7. Orduan Iosepek ekharri zuen Iakob bere aita eta presentatu zuen Faraonen aitziñean. Eta Iakobek bedinkatu zuen Faraon.

        8. Eta Faraonek erran zioen Iakobi, zer adin duk?

        9. Iakobek ihardetsi zioen Faraoni, ene pelegrintasun urtheen egunak ehun eta hogoi eta hamar urthe dituk: ene biziaren urtheen egunak laburrak eta gaitzak izatu dituk, eta eztiztek ardietsi ene aiten biziaren urtheen egunak, hekien pelegrintasun denborakoak.

        10. Iakobek beraz bedinkatu zuen Faraon, eta ilkhi zen haren aitziñetikan.

        11. Eta Iosepek señalatu zioten egoitza bere aitari eta bere anaiei ematen ziotela posesionea Ejiptuko herrian, herriko lekhurik hoberenean, erran nahi da Rahmesesko herrian, Faraonek manatu zuen bezala.

        12. Eta Iosepek entretenitu zituen bere aita, eta bere anaiak, eta bere aitaren etxe guzia ogiz, hekien mañadako ahoen arabera.

        13. Ordean etzen ogirikan Lur guzian: ezen gosetea hagitz zen haundia. Hargatikan Ejiptuko herriak, eta Kanaango herriak etzeakiten zer egiñ gosetea zela kausa.

        14. Eta Iosepek bildu zuen Ejiptuko herrian aurkhitu izan zen diru guzia eta Kanaango herrian, erosten zuten ogiarentzat: eta ekharri zuen dirua Faraonen kontutokira.

        15. Orduan eskastu zen Ejiptuko herriko eta Kanaango herriko dirua. Ejiptuar guziak ethorri zitzaizkon Iosepi, erraten zutela, iguk ogia: eta zergatik hillen gintuzkek hire begien aitziñean zeren eskastu den dirua?

        10. Iosepek ihardetsi zuen, indatzue zuen haziendak, eta emanen darotzuet zuen haziendarentzat, dirua eskastu denaz geroz.

        17. Ekharri ziotzaten bada Iosepi bere haziendak, eta Iosepek eman zioten ogia zamarien alde, ardi arthaldeen alde, idi arthaldeen alde, eta astoen alde. Hala neurritu zituen ogiz hekien arthaldeentzat urthe hartan.

        18. Urthe hura akhabatu eta bihurtu izan ziren ondoko urthean eta erran zioten, etzioagu estaliko ene iaunari, dirua eskastu baldin bada, eta hazienda arthaldeak, gauza guziak ene iaunaren aldetik direnaz geroz, etzaiku gelditzen deusere gañerakorik gure iaunaren aitziñean, gure gorphutzak, eta gure lurrak baizen.

        19. Zergatik hillen gintuzkek hire begien aitziñean? Gutaz eta gure lurrez denaz bezanbatean, eros gaitzak, hanbat gu nola gure lurrak ogiarentzat, eta gathibatuko giaizkok gu eta gure lurrak Faraoni eta iguk zer ereiñ, bizi gaitezentzat eta hill ezkaitezentzat, eta lurra aflijitua izan eztadintzat.

        20. Hala Iosepek ardietsi ziotzan Faraoni Ejiptuko lur guziak: ezen ejiptuarrek saldu zuten batbederak bere larrea, zeren eta gosetea haunditu baitzen hekien gañean. Hargatik lurra izatu zen Faraonentzat.

        21. Eta iraganarazi zuen poblua hirietara Ejiptuko bazterretako buru batetikan haren bertze bururaño.

        22. Solament etzituen ardietsi sakrifikatzailleen lurrak. Ezen bazen Faraonek sakrifikatzailleei señalaturikako probisionea, eta iaten zuten bere portzione Faraonek eman izan ziotena: hargatikan etzituzten saldu izatu bere lurrak.

        23. Eta Iosepek erran zioen pobluari, horra, ardietsi ziotzaat gaur zuek eta zuen lurrak Faraoni. Baduzue hemen hazia erein dezazuentzat lurrean.

        24. Eta ethortzen denean bildenbora, emanen diozue bortzgarrena Faraoni, eta laur parteak zuenak izango dituk, larreak ereintzeko, eta zuen eta zuen etxetan direnen iatekotzat, eta zuen mañadaren iatekotzat.

        25. Eta erran zuten, salbatu darokuk bizia: ediren dezagun beraz grazia hire baithan, ene iauna, eta gathiba gakizkon Faraoni.

        26. Eta Iosepek egiñ izan zuen ordenantza bat, zeñak irauten baitu egun artean, Ejiptuko lurren gañean, Faraonentzat, pagatzeko bortzgarrena: lekhat xoillki sakrifikatzailleen lur Faraonentzat izatu etzirenak.

        27. Israel bada egotu izan zen Ejiptuko herrian Goszengo bazterretan, eta gozatu izan ziren hartaz, eta berretu eta hauñitz egin ziren hagitz.

        28. Eta Iakob bizi izatu zen Ejiptuko herrian hamazazpi urthez eta Iakoben biziaren urtheak izatu ziren ehun eta berrogoi eta zazpi urthe.

        29. Ordean Israelen hiltzeko denbora hurbiltzean, deithu izan zuen Iosep bere semea, eta erran zioen, othoizten aut, ediren baldin badut grazia hire baithan, emak orai hire eskua ene ixterraren azpian, usatuko duala ene aldera grazia eta egia, othoizten aut, ez nazakala ehortz Ejiptuan,

        30. bañan lo natzan ene aitekien. Eramanen nauk beraz Ejiptutikan, eta ehortziko nauk hekien sepulturan. Eta ihardetsi zuen, egiñen diat hire hitzaren arabera.

        31. Eta erran zioen iuramentu egidak: eta iuramentu egin zioen eta Israel iarri zen ahuspez oheko buhurkiaren gañean.