HOGOI ETA HEMEZORTZIGARREN KAPITULUA

Iuda ezkontzen da kananear batekiñ,

3 eta harenganik hirur haur izatu

eta ematen diote Tamar emaztetzat

hetarik biei bata bertzearen ondoan:

11 zeñak haurrik gabe hill eta,

bidaltzen du bere erraña prometaturik

ezkonduko duela bere hirurgarren semearekiñ,

12 bañan zeren eta ezpaitzuen konplitu promes hori,

Tamarrek maskatu eta kometitzen du

bekhatua harekiñ,

18 zeñenganik kontzebitzen baitu,

27 eta egiten baititu bi haur.

        1. Gerthatu zen denbora hartan Iuda iautsi izan zela bere anaienganik, eta aldaratu zela gizon hadullamitar batengana zeñak baitzuen izena Hira.

        2. Eta Iudak han ikhusi zuen kananear baten alaba, zeñak baitzuen izena Szuah, eta hartu izan zuen, eta ethorri izan zen harengana.

        3. Zeñak kontzebitu baitzuen eta egin seme bat eta deithu zuten haren izena Her.

        4. Eta kontzebitu zuen oraño, eta erdi izan zen seme batez, eta deithu zuen haren izena Onan.

        5. Gehiago erdi izan zen oraño seme batez, eta deithu zuen haren izena Szela. Eta Keziben zen huntaz erdi izatu zen orduan.

        6. Eta Iudak hartu zuen emaztea Her bere lehensorthuarentzat, zeñak baitzuen izena Tamar.

        7. Bañan Her Iudaren lehensorthua gaxtoa zen Eternalaren aitziñean, hargatikan Eternalak hillarazi izan zuen.

        8. Orduan Iudak erran zioen Onani, athor hire anaiaren emazteagana, eta hartzak emaztetzat, haren koñat aizen bezala, eta sor eragin diozok kasta heure anaiari.

        9. Bañan Onan, ikhusirik etzela kasta izanen harena, bere anaiaren emazteagana ethortzen zen aldi guziez lohitzen zen lurraren kontra, bere anaiari kasta eman etziozontzat.

        10. Eta egiten zuena desagradatu zitzaion Eternalari: hargatik hillarazi zuen hori ere.

        11. Eta Iudak erran zioen Tamar bere errañari, egon adi alhargun hire aitaren etxean. Szela ene semea handi dadiñ artean: ezen erran zuen, guardia egin behar da hill eztadiñ bere anaiak bezain ungi. Hala Tamar goan izan zen, eta egotu zen bere aitaren etxean

        12. Eta zenbeit egunen ondoan hill izan zen Szuah Iudaren emaztearen alaba. Ondoan Iuda kontsolatu izan zen, eta igan zen bere ardien murritzailleengana Timnathara, hori eta Hira hadullamitarra horren adiskide haundia.

        13. Tamarri bada iakiñarazi zioten, ziotsatela, horra, hire aitagiñ-harraua igaten dun Timnathara bere ardiak murriztera.

        14. Orduan khendu zituen soiñetik bere alhargun habituak, eta estali izan zen belo batez eta alogatu zen, eta iarri izan zen kantoin batean zeña baitzen Timnatharako bidegañean: zeren eta baitzakusan Szela haundi egin zela, eta etzitzaiola eman izatu emaztetzat.

        15. Eta Iudak ikhusi zuen orduan hura, uste izatu zuen puta zela: ezen estali zuen bere bisaia.

        16. Eta aldaratu izan zen harengana hura zen bidera, eta erran zuen, permeti zan, othoizten aut, ethor nadiñ hiregana: ezen etzeakien haren erraña zela. Eta ihardetsi zuen, zer emanen darotak ethor adintzat enegana?

        17. Eta erran zuen, egorriko daronat ahuntziño bat arthaldeko ahuntzen artetik. Eta ihardetsi zuen, bai, ematen badarotak bahia egor dezaan artean.

        18. Eta erran zuen, zer bahi emanen daronat? Eta ihardetsi zuen, hire zigillua, hire mokanesa, eta hire eskuan eskuan duan makhilla: hori eman izan zioen, eta ethorri izan zen harengana, eta kontzebitu zuen harenganik.

        19. Gero iaiki zen, eta goan izan zen, eta khendu zuen soñetik bere beloa, eta iauntzi zituen bere alhargun habituak.

        20. Eta Iudak egorri izan zuen ahuntziño bat ahuntzen artetikan bere adiskide haundi hadullamitarraren bidez, har zezantzat bahia emaztearen eskutik, bañan etzuen ediren izatu.

        21. Eta galdetu zioten hura izatu zen lekhuko gizonei, ziotsala, non da bidegañean bistan zen puta hura? Eta ihardetsi izan zuten, eztuk izatu hemen putarik.

        22. Eta bihurtu izan zen Iudagana, eta erran zioen, eztiat aurkhitu haña, eta lekhuko iendeek ere erran ziarotatek eztuk izatu hemen putarik.

        23. Eta Iudak erran zuen iduk beza bahia berekiñ mespreziatuak izan ezkaitezen beldurrez. Horra, egorri diat ahuntziño hau, bañan eztuk aurkhitu izatu hura.

        24. Eta gerthatu zen hirur illhabetheren inguru ondoan, erreportatu ziotela Iudari, erraten zutela, Tamar hire erraña erori izan duk paillardizan: eta horra, izorra ere duk paillardizaz. Eta Iudak erran zuen, ilkhiaraz zazue, eta errea izan bedi.

        25. Eta nola ilkhiarazitzen baitzuten egorri zioen erratera bere aitargiñharrauari, izorra nauk gauza hauk dohazkon gizonaganik. Erran zuen oraño, ezagut zak, othoizten aut norena den zigillu hau, mokanes hau eta makhill hau.

        26. Iudak bada ezagutu zituen, eta erran zuen, ni baño iustuago duk: zeren eta ezpaitiot eman izatu Szela ene semeari. Eta etzuen ezagutu gehiago.

        27. Eta gerthatu zen haurraz erditzeko denboran, horra bi haur ziren haren sabelean:

        28. Eta nola haurrez erditzen baitzegoen, batek eman izan zuen eskua: eta emagiñak hartu zuen eta amarratu zuen haren eskugañean eskarlat hari bat erraten zuela, hunako hau ilkhitzen da lehenik.

        29. Eta bere eskua erretiratu izan zuen orduan, horra haren anaia ilkhi zen. Eta erran zuen, nolako idekitzea egin dioan heurorri! Idekitzea dela hire gañean, eta deithu izan zuten haren izena Farez.

        30. Ondoan gero ilkhi izan zen haren anaia zeñak baitzuen esku gañean eskarlat haria, eta deithu zuten haren izena Zara.