HEMEZORTZIGARREN KAPITULUA

Iethro Moisen aitagiñharrauak israeltarren

librantza entzun eta, ekhartzen dio bere suhiari

haren emaztea bere haurrekiñ:

7 Eta errezibitua izaturik ungi, alegeratzen da

Israel pobluko zaharrekiñ Eternalaganik

errezibitu zituzten ungiegiñez

12 zeñari oraño sakrifikatzen baitio.

13 Gero kontseillu on bat emanik

pobluaren gobernuaren gañean,

27 bihurtzen da bere herrirat.

        1. Iethrok bada Madianeko sakrifikatzaille Moisen aitagiñharrauak, aditurik Eternalak Moisi, eta Israel bere pobluari egiñ izan ziotzan gauza guziak,

        2. hartu zuen Sefora Moisen Emaztea, bidaldu izan zuen ondoan,

        3. eta haren bi semeak zeñetarik baten izena baitzen Gerszom, [zeren erran baitzuen, bideangoaille izatu nauk herri arrotzean],

        4. eta bigarrenaren izena Eliheser: [ezen neure aitaren Iainkoa, diotsa, izatu ziaitak laguntzatzat, eta begiratu niauk Faraonen ezpatatik].

        5. Iethro beraz Moisen aitagiñharraua ethorri zen Moisegana, haren haurrekien eta emaztearekien, deserturat, non baitzegoen gelditurik Iainkoaren mendian.

        6. Eta erran zioen Moisi, ni Iethro hire aitagiñharraua baniat hork hiregana, hire emaztearekiñ, eta haren bi semeekiñ harekien.

        7. Eta Moise ilkhi zen bere aitagiñharrauaren aitziñera, eta ahuspez iarririk musu eman zioen: eta galdetu zioten batak bertzeari bere prosperitateaz, gero ethorri izan ziren pabillunerat.

        8. Gero Moisek kondatu ziotzan bere aitagiñharrauari Eternalak Faraoni eta ejiptuarrei egin ziotzaten gauza guziak, Israelen amoreagatik, eta bidean izatu zituzten neke guziak, zeñetarik Eternalak libratu baitzituen.

        9. Eta Iethrok atsegiñ izatu zuen Eternalak Israeli egin ziotzan ontasun guziez, zeren libratu baitzituen ejiptuarren eskutik.

        10. Gero Iethrok erran zuen, benedika bedi Eternala, zeñak libratu baitzaituzte ejiptuarren eskutik, eta Faraonen eskutik, eta zeñak libratu baitu poblua ejiptuaren esku azpitik.

        11. Ezagutzen diat orai, Eternala dela haundia Iainko guzien gañetik: ezen urgillutsu egiñ izan diren hartan berean, hekien garai izatu da.

        12. Iethro Moisen aitagiñharrauak hartu zuen oraño holokausta bat eta sakrifizioak Iainkoari ofrendatzekotzat: eta Aaron eta Israeleko zahar guziak ogi iaterat Moisen aitagiñharrauarekien, Iainkoaren presentzian.

        13. Gerthatu zen biharamuneun, nola Moise kadiran baitzegoen poblua iuiatzeko, eta poblu baitzegoen Moisen aitziñean, goizetik arratseraño:

        14. Moisen aitagiñharrauak ikhusi zituela hark pobluari egiten ziotzan gauza guziak, eta erran zuela, zer da pobluari egiten dioan hori? Zergatik iarririk ago bakharrik, eta poblu guzia ziagok hire aitziñean, goizetik arratseraño?

        15. Eta Moisek ihardetsi zioen bere aitagiñharrauari, hori duk poblua ethortzen baita eneganat galdetzerat Iainkoaz.

        16. Zerbeit egiteko duten orduan, eneganat ethortzen dituk: orduan iuiatzen diat bataren eta bertzearen artean, eta adiarazitzen ziotzateat Iainkoaren ordenantzak eta haren legeak.

        17. Bañan Moisen aitagiñharrauak erran zioen, hik egiten duana eztuk ona.

        18. Segur faltatuko aiz, eta hi eta poblu hirekin den hori ere ezen hori pisuegi duk hiretzat, eta eziñ egiñ ahal ezake hori hik bakharrik.

        19. Entzun zak bada ene kontseillua: kontseillatuko aut, eta Iainkoa hirekien izanen duk. Izan adiñ pobluarentzat Iainkoaren aldera eta adiaraz diotzokoan egitekoak Iainkoari:

        20. Eta iakiñaraz diotzotean ordenantzak eta legeak: eta adieragin diozotean bide nondik goango direna, eta zer egin beharko duten.

        21. Eta probedi adiñ poblu guziaren artetik, gizon prestuez, Iainkoaren beldurtasuna dutenez, gizon egiazkoez, irabazi deshonesta higintzen dutenez: eta ekartzatzik hek hekien gañean gobernadore zenbeit millen gañean, eta zenbeit ehunen, berrogoietahamarren eta hamarren gañean.

        22. Eta iuia dezaten poblua denbora guzietan: bañan erreporta dietzakitean egiteko haundi guziak, eta iuia detzaten diferentzia ttipi guziak. Hala lagunduko aute, eta iasanen ditek bere partea hirekien.

        23. Hori egiten baduk, eta Iainkoak manatzen darok, egongo ahal aite hagoan: eta oraño poblu guzia helduko duk prosperitate onean bere lekhurat.

        24. Moisek beraz obeditu zioen bere aitagiñharrauaren hitzari, eta egin zituen hark erran ziotzan guziak.

        25. Hala Moisek berezi zituen Israel guzitikan, gizon prestuak, eta ezarri zituen buruzagi pobluaren gañean; gobernadore zenbeit millen gañean, zenbeit ehunen, berrogoitahamarren eta hamarren gañean,

        26. zeñek iuiatu behar baitzuten poblua noiz nahi: bañan erreportatu behar ziotzaten gauza gaitzak Moisi eta iuiatu behar zituzten gauza ttipi guziak.

        27. Eta Moisek bidaldu zuen bere aitagiñharraua, zeña goan baitzen bere herrirat.