HAMEKAGARREN KAPITULUA

Babelko dorrearen egitea.
5 Poblua nahasia hizkuntzen
konfusionea dela kausa.
10 Semeren ondokoen kontua...
Abrahanenganaraño
32 zeña Tare bere aitarekiñ,
Lot bere anaiaren semearekiñ eta
Sarai bere emaztearekiñ khaldearren Urtikan
ilkhi eta ethortzen baita Karanara.
32 Tareren heriotzea.

        1. Orduan Lur guzia hizkuntza batetako zen, eta hitz bereko.

        2. Bañan gerthatu zen, nola partitu baitziren orientetik aurkhitu zutela larre bat Szinharko herrian, non egotu izan baitziren.

        3. Eta erran zioten batak bertzeari, ea, egin detzagun ardilluak eta erre detzagun ungi ungi suan. Hala izatu zituzten ardilluak harri orde, eta buztiñoa izatu zitzaien morthero orde.

        4. Gero erran zuten, ea, egin dezagun geuretzat hiri bat, eta dorre bat zeñaren punta izan bedi zeruetaraño: eta ardietsiko dugu ospea barraiatuak ez zaitezen beldurrez lurraren gañean

        5. Eternala bada iautsi zen ikhustera hiria eta dorrea gizonen semeek egiten zituztenak.

        6. Eta Eternalak erran zuen, horra, poblu hau bat da eta guziek hizkuntka bat dute: eta horra nola hasten diren lan egiten, eta orai eztire debekatuak izango deusetan egiñ izan uste dutenetan.

        7. Ea bada, iauts gaitezen eta nahas dezagun hor horion hizkuntza adi eztezaten elkharren hizkuntza.

        8. Hala Eternalak barraiatu zituen handik lur guzietara: eta gelditu izan ziren hiria egitetik.

        9. Horrengatik haren izena deithua, izan zen Babel: ezen Eternalak han nahasi izan zuen lur guziko hizkuntza eta handik barraiatu zituen Lur guziaren gañean.

        10. Hemen diren Semeren kastak. Semek ehun urteren adiñean izatu zuen Arpakszad bi urte uholdearen ondoan.

        11. Eta Sem Arpakszad enjendratu ondoan bizi izan zen bortz ehun urthe:eta enjendratu zituen semeak eta alabak.

        12. Gisaberean Arpakszad bizi izatu zen hogoita hamabortz urthe eta enjendratu zuen Szelah.

        13. Eta Arpakszad Szelah enjendratu ondoan bizi izatu zen laur ehun eta hirur urthe: eta enjendratu zituen semeak eta alabak.

        14. Gisaberean Szelah bizi izan zen hogoita hamar urthe; eta enjendratu zuen Heber:

        15. Eta Szelah Heber enjendratu ondoan, bizi izan zen laur ehun eta hirur urthe eta enjendratu zituen semeak eta alabak.

        16. Gisaberean Heber bizi izan zen berrogoita hamalaur urthe eta enjendratu zuen Peleg.

        17. Eta Heber Peleg enjendratu ondoan, bizi izan zen laur ehun eta hogoita hamar urthe: eta enjendratu zituen semeak eta alabak.

        18. Gisaberean Peleg bizi izan zen hogoita hamar urthe eta izatu zuen Rehu.

        19. Eta Peleg Rehu izatu ondoan, bizi izan zen bi ehun eta bederatzi urthe: eta izatu zituen semeak eta alabak.

        20. Gisaberean Rehu bizi izatu zen hogoita hamabi urthe eta enjendratu zuen Serug.

        21. Eta Rehu, Serug enjendratu ondoan, bizi izatu zen bi ehun eta zazpi urthe: eta enjendratu zituen semeak eta. Alabak.

        22. Gisaberean Serug bizi izatu zen hogoita hamar urthe eta enjendratu zuen Nakor.

        23. Eta Serug, Nakor enjendratu ondoan, bizi izatu zen bi ehun urthe eta enjendratu zituen semeak eta alabak.

        24. Gisaberean Nakor bizi izatu zen hogoita bederatzi urthe eta enjendratu zuen Tare.

        25. Eta Nakor, Tare enjendratu ondoan, bizi izatu zen ehun eta hemeretzi urthe: eta enjendratu zituen semeak eta alabak.

        26. Gisaberean Tare bizi izan zen hirur hogoita hamar urthe, eta enjendratu zituen Abram, Nakor, eta Haran.

        27. Eta hauk dire Tareren kastak: Tarek enjendratu zituen Abram, Nakor eta Haran: eta Haranek enjendratu zuen Lot.

        28. Eta Haran hill izan zen bere aitaren aitziñean bere sorlekhuan, kaldearren ur berrian.

        29. Eta Abrahamek eta Nakorrek hartu zituzten emazteak. Abranen emaztearen izena izan zen Sarai: eta Nakorren emaztearen izena izan zen Milka, Haranen alaba, Milkaren eta Iiskaren aita.

        30. Eta Sarai agorra zen eta etzuen haurrikan.

        31. Tarek hartu izan zituen bere semea Abram, eta Lot bere semearen semea zeña baitzen Haranen semea eta Sarai bere alaba ederra, bere seme Abranen emaztea eta ilkhi izan ziren elkharrekiñ kaldearren ur herritikan, Kanaaneko herrirat goateko. Hala ethorri izan ziren Karaneraño eta egotu izan ziren han.

        32. Eta Tareren egunak izatu ziren bi ehun eta bortz urthe, gero hill izan zen Karanen.