MAÑEX TTIPIAZ

                Airea: Partitu nintzen herritik.

Partitu zauku etxetik,

Gu denak trixte utzirik,

Hamabi urte zituela

doi-doia konpliturik.

Nola ez egin nigarrik?

Iguzki kolpe samina,

Semea kendu daukuna!

Zonbait egun zauku bakarrik

eri handi egona,

Buruko gaitz batek jana.

Gaixo haurra dena amets,

Angles, latin eta frantses!

Eskuaraz halere ari zen

Jainkoari otoitzez:

Nahi ela egin apez.

Galde hori alferretan

Egun oroz hamarretan!

Zer zinen ba, Jainko maitea,

aingeru-beharretan?

Nor sar zure konduetan?

Jauna, zuk zinaukuneman,

Zuhaurek orai ereman!

Apalki zure nahiari

gaude errespetuan.

Bil Mañex zure zeruan.

Haur gaixoa, gain hortarik,

Hago gutaz orroiturik!

Sor-etxea zain diezaguk

Gaizki guzietarik!

Hiri maiteki gaudezkik!

1913