APEZ-GAIERI

                Airea: Oi Betleem.

Haur gaztea,

Norat zoaza bide hortaz

Haur gaztea?

Nahi duzu apeztea,

Izpirituaz argiturik,

Amodioaz su-harturik,

Haur gaztea.

Dohatsua,

Hel bazinte zure xedera

Dohatsua!

Azkar bedi zure sua!

Gal-bidetik zare atera

Semenario batetara...

Dohatsua.

Beti lana

Behar duzu hemen maitatu,

Beti lana;

Sari ona dakarrena.

Gorputzeko indarrez baino

Izpirituaz gehiago

Beti lana.

Mundu petik

Lagun batzu zuri oihuka

Mundu petik:

«Haugi gure ganat hortik!».

Orduan hetaz orroitzean

Gudu bat hasten bihotzean

Mundu petik.

Munduari

Beha bat emaiten diozu

Munduari;

Haren ondorioari;

Bainan ez diozu kausitzen

Auhe, min eta pena baizen

Munduari.

Ordutikan

Mundua arbuiatzen duzu

Ordutikan,

Sendimendu bizietan;

Nahi duzu zure bihotzez

Jabetu zeruko dohainez

Ordutikan.

Oi! ordena,

Karguetan den handiena

Oi! ordena.

Jesus-Kristoren Ordaina.

Memento baten pairamena,

Gero betiko zoriona.

Oi! ordena!

1908