KATIXIMA ESKUARAREN ALDE

                Airea: Xoriñoa norat hua bi egalez airean.

Lege berri bat badugu

gur'etsaiek egina:

Elizan ez dela haizu

eskuaraz katixima.

Eskualdun jende xeheak

bere haurrez du griña,

Frantximantez ez baitzaie

hobeturen arima.

Eskuaraz mintzo badire

apez hoiek elizan,

Legez zor zaioten paga

ez dezakete izan;

Kargudun handi horiek

indarraren gerizan

Apezen sosak ebatsiz

ari dire ohointzan.

Frantsesik ez dakitener

frantsesez mintzatzea

Hori da, guziz elizan,

Jainkoaz trufatzea;

Ezagun da aise zer den

lege horren xedea:

Eskuara galduz dezagun

oro bat gal fedea.

Sinesterik ez dutenek

arimako gauzetan,

Beren hautuzko herroka

dute alimaletan,

Xakurrik ez bada haizu

sartzerat elizetan,

Hek zer ikusteko dute

hango katiximetan?

Eskualdunen nahia da,

eta nahi bortitza,

Gure apezak elizan

eskuaraz diten mintza;

Ederrago da eskuaraz

Jaun Goikoaren hitza;

Hunen aldean frantsesa

zaie mintzaira hitsa.

Eskualdunak eskuarari

hain gare atxikiak

Nun harekin baiterauku

bat egiten biziak:

Guri eskuara maite hau

kentzekoak Frantziak,

Hobe laite Frantziatik

baginte bereziak.

1904'ko Martxoan egina