JULETXU

Zeure betiko bizkortasunaz,

Jolastutia goguan,

Txorija legez ikusten ziñan,

Jolastuteko lekuban.

Ixarrak baño begirakune,

Argijagua zenduban,

Maite ta pozez zeunkazan beti,

Aititak bere onduan.

Lorategiko lora ederra,

Zeure gaztetasunian,

Juaten ziñan ikastetxera

Goiz eta arratzaldian.

Bed alaitzu, beti saltoka,

Beti gogaldi onian,

Aitita pozik, zengozanian

Bere begijen aurrian.

Zu baño argi alayagorik

Etzan ixarren artian,

Aingerutxu bat dirudixula,

Zeure galantasunian.

Zoragarrizko loba lastana,

Aititaren bijotzian,

Atsegingarri ixaten ziñan

Ikusten zenduzanian.

Zer jazo yatzun ogeratzeko,

Amabigarren urtian,

Jolasaldijak atzeratuta,

Adiñik bizkorrenian?

O geixo deunge bildurgarrija

Sartu yatzun gorputzian,

Ardurak eta osagarrijak,

Oso alperrik zirian!

Artegatasun indartzubagaz,

Jaurti jaten zendubana,

Aztu zenduban jolastutia,

Beti goguan zeunkana.

Guztijak gogoz juaten ziran

Ardurak artzen zugana,

Naibageturik ikusten eben

Itzaltzen ziñoyazala.

O loba lastan, bijotzekua,

Egun batetik bestera

Aldatu ziñan osasunetik,

Guztiz aringo iltera.

Ume ziñala, Jaungoikuaren

Aginduba egitera,

Jarraituteko, pekatu barik,

Emetik zerubetara.