ARTZAÑAK       

                («Jayoterri Maitia»n)

Egunabarraz itzartzen gara,

Mendiratzeko ardijak,

Ikusgarriko artaldiakaz,

Beteten doguz mendijak.

Ortik-emetik joten dituguz,

Alboka-soñu zolijak,

Eta onela ixan oi dira,

Artzañen zorakerijak.

        Ardijak dakargue

        Diru zillardunak,

        Bildotz, ezne ta gaztai,

        Ugari egunak:

        Ardi-ule ta narru,

        Aragi ta azurrak,

        Orra zeinbat dirian,

        Euren ondasunak.

Artzain guztijok, neska ta mutil,

Aritz-tantayen azpijan,

Jesarten gara, pozez beterik,

Zoragarrizko mendijan;

Gogoraturik an gagozala,

Geure asaben errijan;

Toki oberik ezta egongo

Ludiko legor guztijan.

        Ardijak dakargue...

Bee... ortik eta, bee... emetik be,

Egunabarraz batera,

Larrara duaz ardi ederrak,

Bedarra gogoz jatera;

Bee... ortik eta, bee... emetik be,

Diadarrakaz ostera,

Zoli ta pozik biurtzen dira,

Illunabarrez etxera.

        Ardijak dakargue...

Sarri-sarritan egon oi dira,

Mendiko bide txarretan,

Lupetzak eta edurrik asko,

Neguko egun otsetan.

Orrez nekiok daukaguzan lez,

Betiko ekandubetan,

Guztiz gogotzu gabiltzaz beti,

Artzañok geure lanetan.

        Ardijak dakargue...