EUZKEREA

Beti gomutan, pozik zaukadaz,

Euzkera neure lastana,

Erritar askok, toki askotan,

Basterturik zaukazana.

Berbakuntzarik maitetubena,

Beti ixan biar dana,

Jainko maitiak Ludi onetan,

Lenengo sortu ebana.

Ume geyenak, andi ta txiki,

Ikusten dira kalian,

Berba ta berba diarduela,

Erderaz euren artian.

Onela zelan jarraitukogu,

Landu genduban bidian,

Naibageturik gogoratuten,

Egunaz eta gabian,

Ete gagozan erdalerrijan,

Ala Euzkadi maitian?

Beti bixiko nintzake pozik,

Anboto mendi ganian,

Gaizbide onek, ez ikusteko,

Neure begijen aurrian!