ZAPATARIJAK
(OSKIGILLIAK)

        Simon

—Kaixio, Dari, zapatarija,

Arrikatza eruaten?

        Dari

    —Kaixio, Simon,

    Ondo etorri,

Etxeraldija egiten?

    Nora ixan az

    Aspalditxuon?

Erri andijak ikusten?

        Simon

    —Bilbon egon nok,

    Urtebetian,

Zapatagintzan ikasten,

        Dari

—Zapatagintzan? errukarrija!

Ona ni zapatarija;

    Arrikatzagaz,

    Gora ta bera,

Irabasteko ogija.

    Emen etxagok

    Zapata lanik;

Guretzat urrikerija,

    Alogerian

    Ortik-emetik,

Dok gure bixialdija.

        Simon

—Ori dok Dari, niretzat beintzat,

Albista bildurgarrija!

        Dari

    —Eta ori dok,

    Adiskidia,

Ao-beteko egija.

    Zapatagille

    Bakar batentzat

Lanik eztagon errija;

    Sei gayagozak,

    Zapatagintzan,

Irabasteko ogija.

        Simon

—Zek dakaz, Dari, urrikerira,

Zapatagintzako lanak?

        Dari

    —Abarketatxu

    Polit-politak

Guztiz merkiak ixanak.

    Abarketakaz

    Salerostera,

Oraintzu etorri danak,

    Ondatu ditu

    Zapatarijen

Irabasbide onenak.

Zapatak orain, jantziten dira

Elixarako, jayetan.

    Amaika bidar

    Alogerian

Egingo dok atxurketan!

    Eta nik legez

    Ikatz zorruak

Iragon gogoz lanetan!

        Simon

    —Dari, ni enok

    Iñoiz ibilli,

Olako lan gogorretan.

        Dari

—Ori jakiñik, eztok nayago

Abarketak egitia?

        Simon

    —Orixe yaukat

    Gogamenian

Sartuta adiskidia.

        Dari

    —Ikasik bada,

    Orretarako,

Onena dan lanketia,

    Eta urijan

    Idoroko dok

Baketzu ogibidia.