AURELE

—Zer darabilizu emen Aurele,

Mendi bitarte onetan,

Arpegi zurbil, bijotz illagaz,

Zeure burubaz berbetan?

—Euzkeldun bat be eztot ikusten,

Emeko baserrijetan,

Nora juan da bastertutera

Maite dogula benetan?

Oso erdaldun biurtutera,

Guaz Euzkadi onetan,

Gexo galgarri, guztiz okerra,

Da on ekandubetan.

Erderaz baño eztot entzuten,

Bilboko inguruberan,

Euzkeraz berba egin gura dot,

Bixi nazan egunetan,

Eta euzkeldun artera nua

Aurrerantzeko lanetan.