MENDITARRA

Idijak bustarturik,

Darue burdija,

Aitz tontorrakaz dago,

Burpide guztija;

Ganera, guztiz urrun,

Nire ariztija,

Au bai dala benetan

Lan nekegarrija!

Aida! idi ederrak,

Emon izerdija,

Laster artukozube,

Atseden-aldija.

Ija igaro dogu,

Biderik erdija,

Ariztijan daukagu,

Larra ugarija,

Eta errekatxuko,

Ur garbi-garbija,

Neke onen ganetik,

Atsegingarrija.

Aizkora zorrotzagaz

Ebagi adarrak,

Eta jarri burdijan,

Egur ta orbelak.

Neguban egiteko

Subak eta garrak,

Eta ibituteko

Orzaren indarrak,

Beteten diranian

Edurrez basterrak,

Eta dagozanian

Eguraldi txarrak.

Iñurrijen antzera,

Dira menditarrak,

Aurretijaz egiten

Gerorako lanak,

Neguban dira maite

Udako biarrak.

Orain bedar ebaten

Gero atxurketan

Azpigarrijak eta

Zaztegi lanetan.

Ekin gari-jotia

Gero araketan

Batu ezer badago

Zugatz azpijetan

Abelgorrijak zaindu

Euren ordubetan

Eta beti onda

Lan neketzubetan.

Eguraldi onian,

Zantzo ta barriak,

Ijiji batak eta,

Ujuju bestiak.

Beti abes egiten,

Abesti maitiak,

Alaitasun onian,

Zar eta gaztiak.

Larretan abere, ta

Pozez artaldiak.

Eguraldi txarrakaz

Geituta nekiak,

Zikiñak eta laban

Mendiko bidiak.

Etxe-barruban geldi

Abere guztiak,

Idi, bei ta ollo

Eta artaldiak,

Menditar gaixuentzat,

Zein atsekabiak!