UGAZABANDRIA TA NESKAMIA

        Ugazabandria

Zer egin don, Illare,

Enparantza aurrian,

Berbetan Urbanegaz

Beti ekiñian?

Etxeko lan guztijak

Aztuta goixian,

Beti dotan zortzirak

I atorrenian.

Erosketea egin,

Ta gero etxera,

Berbetan Urbanegaz,

Gogotzu ostera.

Astiro kalietan,

Batera bestera,

Sukaldeko ardurak

Itxaron dayela.

Olan uste ete don

Jarraitu gurian,

Ain ardura gitxigaz,

Eure egipidian?

Ez Illare, olan ez,

Ez gure menpian,

Olan jarraitzen badon

Laster az kalian.

        Neskamia

Agirakari zagoz,

Ugazabandria;

Noiz ikusiko dot ba,

Senargei maitia?

Goixetan ixan ezik,

Noiz da ikustia?

Sukaldian daruat

Eguna guztia.

        Ugazabandria

Zer? Baskal ordurarte

Abil kalietan,

Urdai billa dendara

Bederatzijetan;

Gatzik eztagola-ta,

Amar-amarretan,

Urban ikustiarren

Beti asmuetan.

Erosketan goixian,

Ordu laurenian

Egon adi maitiaz,

Berbeta onian.

Orix eisten donat,

Nik aurrerantzian,

Ez asmurik ekarri,

Gagozan bakian.