MAITETASUN GALDUBAK

        Ane

Nora zatoz zu, Kastor,

Gure atartera?

        Kastor

Agerraldijaz, Ane,

Ni zeu ikustera.

        Ane

Eztakit egija dan;

Zu ni ikustera?

Guzurra ixango da

Egijen antzera!

        Kastor

Ezin dot nik ulertu,

Zuk diñostasuna,

Guzurra nik zegaitik,

Anetxu kutuna?

Aldatu ete dozu,

Zuk zintzotasuna?

Esaidazu argiro

Zer dan gurozuna!

        Ane

Ondo ulertzen dozu,

Entzuten dozuna,

Beste bat ei da orain,

Zuretzat kutuna.

Zetan zatoz zu ona,

Maite ederduna,

Solo bat gora-bera,

Ni itxi nozuna?

        Kastor

Arriturik naukazu,

Anetxu maitia,

Ni naz gauza orretan,

Errurik bagia.

Nik itxi zaitudala

Zuk siñistutia,

Da maitetasuntxuak

Atzeratutia.

        Ane

Zure aitama onak

Esan dabe ortik,

Aurele begi-eder

Nai dabela gaurtik.

Ni baño galantago

Dalako batetik,

Solotxu bat geyago

Dabela bestetik.

        Kastor

O zein deungiak dira

Emen guzurtijak!

Orrek niretzat dira

Albista barrijak.

Ez nigana ekarri

Asmo mingarrijak,

Nire zintzotasunak

Ixanik garbijak.

        Ane

Zure zintzotasunak,

Dirala garbijak?

Baña, eder-ederrak,

Neska aren begijak.

Bai, Kastor, orrek dira,

Akulakerijak,

Leunketa asko, eta

Guzurrak erdijak.

        Kastor

Agur, agur ta agur,

Ane maitatua,

Zeure maitetasunak

Oso bastertua.

Zeugaz ixan daixula,

Beti Jaungoikua,

Zorijona Ludijan,

Ta gero zerua.

        Ane

Agur, agur, zeuri be,

Kastor maitatua,

Zeure zintzotasuna,

Ondo agertua.

Aurelek puzkatu deust

Bijotz neketua,

Agur; ixan daixula,

Lagun Jaungoikua.