ALLIXARRAK

    Sarta laburraz

    Agertzen dira

Allixar banakatubak,

    Urreratubaz

    Luzetzen yakez

Sarta guztiz argitzubak.

    Ikaraturik

    Ibilten gara

Neketzen geure burubak,

    Zein gaiztokeri

    Ete dakarren

Ludira urreratubak.

    Ixugarrizko

    Ibilketakaz

Jarraitzen euren bidian,

    Ikusten doguz

    Dabiltzazala

Ixar askoen artian.

    Siñisgaitz diran

    Ostereakaz

Ezer jo barik ortzian,

    Jarraitzen dabe

    Eguzkijaren

Inguru-obo guztian.

    Urte askotan

    Ibilten dira

Ixartegijan barruban,

    Ariñeketan

    Ara ta ona

Azkenbageko lekuban.

    Zer da Ludija,

    Ixar, Eguzki,

Guk dakuzkuna munduan?

    Ortze puzka bat

    Dakuzku emen

Ludijaren inguruban!

    O ixartegi

    Amaibageko,

Guretzat miragarrija!

    Jaungoikuaren

    Lan guztijak lez

Au dala bai mirarija!

    Zerubargijak

    Ibilli arren

Ibilte bildurgarrija,

    Alkar jotera

    Ez egiteko

Ixan zan erabagija.