EMASTE MAITIARI       

Amalaugarren urtian neban,

Maitetasuna zugana,

Ni nintzan keti jolastuteko,

Billatzen zendudazana.

        Ezkondutia

        A!kartutia

Zer ziran enekiala.

Adimeneko illuntasunak,

Argitu zirianian,

Maitetasuna agertu geuntzan,

Alkarri lege onian.

        Astegun ta jai,

        Zintzo ta alai,

Or-emen batzen giñian.

Maitetasunak, egiazkuak,

Sendo zintzotasunian,

Gu legez ondo, maitetzen zanik,

Etzan egongo lurrian.

        Buruba austen,

        Gogoratuten,

Alkar ikusi ezian.

Noizbait juaten giñan alaitzu,

Ur billa Menditurrira,

Illunabarrez egoten giñan,

Ixar ederrai begira.

        Maitetasunak,

        Dauzan lagunak,

Ixarrak ixan oi dira.

Gogoz ta pozez eldu giñian

Azkenez ezkondutera,

Baita jarraitu zorijonian

Zartzaruaren urrera.

        Nik uste nuan,

        Lenengo juan,

Jaungoikuaren aurrera.

Baña Jaungoiko maite-maitiak

Biar zenduzan zeruban.

Alargunduta bijotzillagaz,

Itxi ninduzun munduan;

        Ni nuanian,

        Batu artian,

Zeugaz, zagozan lekuban.