EGUZKIJA

    Ortzian zagoz,

    Zeure lanetan,

Eguzki argi-argija;

    Argitzen dozu,

    Ikusbidian,

Daukagun ixartegija.

    Orain agertu,

    Gero estaldu,

Ibilte zoragarrija;

    Eta onela,

    Egun eta gau,

Juaku bixialdija.

    Batian gorutz,

    Bestian berutz,

Dakaz uda ta neguba,

    Bitartietan

    Udazkena, ta

Udabarri eztitzuba.

    Eta onela,

    Jarraituten dau,

Betirauna dan lekuba,

    Lan eder ori,

    Ixan dalako,

Jaungoikuak aginduba.

    Jarrai baketzu,

    Geure eguzki,

Argi ta berogarrija;

    Zu barik arin,

    Amaitu leike,

Emeko bixialdija.

    Oso leituta,

    Ur eta legor,

Arrigarrijan Ludija;

    Onela laster,

    Ilgo litzake,

Bixirik dagon guztija.

    Ikusten diran,

    Ixarloketan,

Ixarsarta ta Illargijan,

    Eguzki barik,

    Jazoko yake,

Jazoten dana Ludijan.

    Beti-betiko,

    Illuntasuna,

Otz errimiak guztijan;

    Ixango dira,

    Gorputz biribil,

Itzalak ixartegijan.

    Ixarrak dira,

    Urrunetako

Eguzki guztiz argijak;

    Toki aretan

    Ixarlokaen

Argi ta berogarrijak.

    Gure Eguzki

    Ederra baño

Diranak guztiz andijak;

    Andiera ta

    Berotasunak,

Guretzat ixugarrijak.

    Eguzki eder,

    Berogarrija,

Zu barik galdubak gara;

    Bidaldu guzu,

    Len lez argija,

Ixarloka onetara.

    Bixi diranen

    Alaigarrija,

Ludi onetan zu zara;

    Jaunak bidaldu

    Zaizala beti

Orain lez zeure lanera.