EZKONGEYAK

        Dari

Begi ederrok itzal-itzalik,

Bekoki guztiz illuna,

Zer jazoten da zugaz Dorote

Neure auzoko laguna?

        Dorote

Darik eta nik agertu geuntzan,

Alkarri maitetasuna,

Aurrerantzian beti ixan zan,

Niretzat kutun-kutuna;

Baita, ganera, egurasteko,

Eguneroko laguna.

Orain jakin dot aldatu dala

Beraren zintzotasuna,

Emastegeitzat artu dabela,

Irene begibalzduna.

Orra zegaitik darabiltan nik

Bekoki guztiz illuna

Lotzageiztoko senargei orrek

Eztauko argi sentzuna.